ပင်လယ်ကြီး ပျံ/ ပြန်လာတယ်
____________________________
မိုးကုပ်စက်ဝိုင်းအထိရောက်နိုင်မလားခြေဆန့်မိတော့လည်း
ငါ့အရိပ်ဟာကမ်းစပ်မှာ ပိုးလိုးပက်လက်ကျလို့
မှော်ဖတ်တွေပေနေတဲ့ရေမြှုပ်တွေကြားမှာ
ခရုတစ်ကောင်လို
အခွံသက်သက်ရပ်နေမိတယ်
ပင်လယ်ကြီးကိုသတိရလိုက်တာ
နယ်မြေသစ်တွေရှာချင်တဲ့လှေတစ်စီးလို
ရွက်ဖျင်ပိတ်စတစ်ချပ်ဟာ
အနားစတွေဖွာထွက်နေတာပေါ့
ချုပ်ရိုးတွေနဲ့
ပေပေစုတ်စုတ်ပန်းချီကားတစ်ချပ်ကိုထောင်ကြည့်နေမိတဲ့ငါပါ
သမုဒ္ဒရာရဲ့ကမ်း၂ဘက်လိုဝေးကွာမှု
လက်သည်းချွန်မရှိတဲ့ချိုးကူသံလိုငြိမ်းချမ်းရေး
ပင်လယ်နဲ့မိုးသား
စိတ်တူ ကိုယ်မျှ 'ပြာ' နေတဲ့သံယောဇဉ်
ရေစီးသန်တဲ့လှိုင်းတွေ
ွပုတ်ခတ်ခံကျောက်ဆောင်တွေလိုတွေဝေသူ
ခေါ်သံ'ပြန်ကြားချင်ပါရဲ့ …
ဆားငံဓာတ်တွေလျှာပေါ်မှာစွဲနေပြီ
ရုပ်ဝတ္ထုပစ္စည်းတွေလိုပင်လယ်ဟာဖောက်ပြန်ပြိုကွဲမှာတဲ့လား
ငါရပ်ကြည့်နေတာ
ထည့်သမျှလောင်စာတွေအငတ်မပြေတဲ့မီးလို
ပင်လယ်ဟာလောင်ကျွမ်းပြာကျသွားမတဲ့လား
ငါရပ်ကြည့်နေတာ
အာရုံနဲ့ဒွါရတိုက်လိုက်တိုင်း
အဆန်းတကြယ်စိတ်တွေနဲ့
သံသရာကိုချဲ့မယ့်ကရွတ်ခွေ'လို
ပင်လယ်ဟာ ခုန်ထ ပြေးထွက်သွားမလား
ငါရပ်ကြည့်နေတာ
ငါရပ်ကြည့်နေတဲ့မိုးကုပ်စက်ဝိုင်းဟာ
ကမ္ဘာရဲ့အရွေ့နဲ့ငါ့ကိုဖမ်းစားထားတယ်
နေလုံးရဲ့အရောင်တွေပြောင်းလဲမှိန်ပျောက်သွားသလိုလို
နေလုံးကပဲခြေထောက်ပေါက်ပြီးခုန်ချသွားသလိုလို
ပင်လယ်ကိုသံသယဖြစ်စေတယ်
ဒါပေမယ့်
ငါသိတယ်
ဘယ်တော့မှမဆွေးမြည့်တဲ့ပင်လယ်ဟာ
ဆွေးမြည့်တဲ့ငါ့မျက်လုံးတွေကိုသာ
ကမ်းစပ်ကိုပြန်ပြန်ရိုက်တင်နေခဲ့တာ
ပင်လယ် ' ကို ရ မ လား - -လို့
ရေဓာတ်ပါတဲ့လေကိုအဆုပ်ထဲရှိုက်သွင်းရှူချလိုက်တယ်
ဘယ်ဆီဘယ်ဝယ်
ဘယ်လိုဘယ်လောက်ပဲကြာကြာ
ပင်လယ်ကြီးကို သတိရနေမိတယ်လေ။ ။
မောင်သော်တာ
