Saturday, November 24, 2012

ကေတုမတီ ၊တောင်ငူ (၅၀၂) နှစ်ပြည့် ကဗျာများ







သို့/ . . . ဦးဆွေးဆံမြေ့ တောင်ငူမြို့

ဒီမြို့ကို
စစ်တောင်းမြစ်တစ်စင်းက
တံစို့ထိုးသလို ထိုးထားတယ် ။
ဒီမြို့ကို
သူရသတ္တိပြည့်စုံတဲ့
သူရဲကောင်းတွေက စောင့်ရှောက်ခဲ့ ။
ဒီမြို့ကို
တပင်ရွှေထီး
ဘုရင့်နောင်
ဘုန်းမီးနေလတောက်ပြောင်အောင်
ကမ္ဗည်းထိုးပေးခဲ့ ၊
ဒီမြို့ကို
နတ်သျှင်နောင်ဆိုတဲ့
ကဗျာစာဆိုလေးတစ်ယောက်
သူ သစ္စာမဖောက်ခဲ့ပါဘူးလို့
တတွင်တွင် လှမ်းပြောနေရဲ့ ။
ဒီမြို့ကို
ကျွန်းသစ်နဲ့ သစ်မာသားတွေထွက်လို့
စီးပွားရေးကျားတွေ မျက်စေ့ကျခဲ့ ။
ဒီမြို့ကို
လွန်ခဲ့တဲ့ နှစ်တစ်ရာက
မောင်ချမ်းမြဆိုတဲ့ ကလေးလေးတစ်ယောက်
လက်ဆောင်ရခဲ့ ။
ဒီမြို့ကို
(ကျွန်တော့်မှာ အတ္တဆိုလို့
မခင်ဦးကို ချစ်တာတစ်ခုပဲရှိပါတယ်ဗျာ) ဆိုတဲ့
တာကောဒီးနဲ့ ထွန်းနိုင် ဇာတ်ကောင်တွေရဲ့
ဗန်းမော်တင်အောင် နေထိုင်ခဲ့ ၊
ဒီမြို့ကို
ကျုံးနဲ့  မြို့ရိုးက ကာရံထားပြီး
မြို့ရိုးနဲ့ ကျုံးကိုစပါးခင်းတွေက ကာရံထား
ဒီမြို့ကို ခေတ်တစ်ခေတ်အဖြစ်
သမိုင်းကြောင်းပြောင်အောင် ဆေးကြောခဲ့ကြသော
လူပုဂ္ဂိုလ်ကျော်တို့အား ဦးညွတ်ပြီး
ဒီမြို့သားတစ်ယောက်အနေနဲ့ ဂုဏ်ယူရင်း
ဒီကဗျာကို ရေးလိုက်ပါကြောင်း . . . . . . . . 

                                    အောင်လွန်းမြိုင်
                                ကေတုမတီ မဂ္ဂဇင်း ။
                                   တွင်ဖေါ်ပြပြီး ။





ကေတုမတီပန်းချီ(၃)ယောက်
                                           
တစ်ယောက်က
ကိုယ်ထူကိုယ်ထ
လမ်းတို့ရဲ့ လမ်းပြပိတ်ကားစကို
ဖြန့်ကျက်ချလိုက်တယ် ။
                                    
တစ်ယောက်က
ဒုတိယခေတ်ဆီအစချီပုံဆန်းကြယ်
လက်မထိပ်ကအပ်သွားရာ
ခုပြောရင်  ခုဖြစ်နေသလိုပဲ ။
                                    
အဲ့သလို
ယုံကြည်ရာရဲရင့်လက်များရဲ့ 
ဓါးခြစ်ပန်းချီကားထဲက
ငါတို့ တတွေ
လာခဲ့ကြတာပေါ့ ။
                                    
တစ်ယောက်က
အချစ်လည်းဆုံးခဲ့တယ်၊
စစ်လည်းရှုံးခဲ့တယ်၊
တောင်ကညိုလို့ မိုးပြိုခဲ့ရလေသူ
အလွမ်းနဲ့ သစ္စာမဖေါက်ဝံ့သူ၊
သစ္စာနဲ့ ကျမ်းဘယ်လောက်ဆူဆူ
ကဗျာ့ဧကရာဇ်
တစ်ခေတ်ပြီးတစ်ခေတ်
စီးနင်းသိမ်းပိုက်ခရီးတွင်စေသူ
သစ္စာသစ်နဲ့ လမ်းဖေါက်ခဲ့လေသူ
ဝေဒနာတူရင် ရနံ့ဟာမွှေးမြမြဲ ၊
                                    
ဤသက်သေဖြင့်
အသက်တွေ မသေကြတော့ပါ ။…………………..။
                                                         ရန်လင်းအောင်
                                     (၁၆,၁,၂၀၁၂)
                              (ကေတုမတီ မြို့တည်နန်းတည်
                              နှစ်  (၅၀၂) ပြည့်သို့  အမှတ်တရ)
                             မြစ်ငယ် ရာပြည့် ၊မဂ္ဂဇင်း၊ ၂၀၁၂ တွင်
                                        ဖေါ်ပြပြီး။






တောင်ငူခေတ်

လက်မထိပ်
ရဲစိတ်ကို အပ်သွားတဆုံး
အားကုန်ရိုက်သွင်းချလိုက်တယ် ၊

ရာဇ၀င်ငှက်များ ……
လန့်ပျံသွားကြ ၊

အပြုံးမပျက်
တစ်ချက်မတွန့်တဲ့ လက်ဟာ
ရတုနယ်ကိုပါ သိမ်းခဲ့တယ် ။       
 
    ရန်လင်းအောင်
      (30.8.2012)









မြို့ ပေါ်ကမြစ်

အောက်မေ့ဖွယ်ရာ   နေ့စွဲများ
အောက်မေ့ဖွယ်ရာ   နှလုံးသားများ
အောက်မေ့ဖွယ်ရာ   လမ်းမများ
အောက်မေ့ဖွယ်ရာ   လမ်းသွယ်များ
အောက်မေ့ဖွယ်ရာ   ရုပ်တုများ . . . . . . .

အောက်မေ့ဖွယ်ရာ   ပန်းခြံများ    
အောက်မေ့ဖွယ်ရာ   ကျောက်တိုင်များ
အောက်မေ့ဖွယ်ရာ   အတောင်ပံများ
အောက်မေ့ဖွယ်ရာ   ကြယ်စင်များ . . . . . .

မမောဘူး၊ မနွမ်းဘူး
မနားဘူး ၊
ဘယ်လိုအလင်းမှ
အရိုးပြာဖြစ်တယ် . . . . မကြားဖူးဘူး ။  

မသိလည်း   ရှိတဲ့၊       ကျေးဇူးများ   . . . . .
မမီလည်း   ရတဲ့၊        ကျေးဇူးတရား        . . . . . .

ရှုလိုက်
နဲနဲအားစိုက် ရှုကြည့်လိုက်
ရှုလိုက်တဲ့ အသက်တိုင်း
ဒီလက်တွေပေါ်
ကြီးပြင်းလို့
ဒီလက်တွေပေါ်
အားသွေးလို့  ။ - - - - - - - - - -  -။

                      ရန်လင်းအောင်
                   ၂၀၁၀ ၊ဇန္န၀ါရီလ
        ရွှေလက်ဆင့် (ဖြူးမြို့နယ်) မဂ္ဂဇင်း ၊
              တွင် ဖေါ်ပြပြီး ။