Thursday, March 3, 2016

မိန်ရာသီ - သန်းဆွေမိုး - ကလော



မိန်ရာသီ

__________________

ဟစ်တလာနွေ ရဲ့
လက်ပါးစေ လေရူးဟာ

တာဝန်တွေကျေ နေလိုက်ပုံက
သခင်အားရ ကျွန်ပါးကို ဝလို့နေရဲ့

လက်ရဲဇက်ရဲ
မိုက်လည်းမိုက်ရဲပါပေ့

တွန်းတွန်း တိုက်တိုက်တိုးဝှေ့
ရိုက်ပုတ်ကန်ကျောက်ထိုးခွဲ
တရှဲရှဲ အသံတွေပေးလို့လေ …

ညိုဝါရွှေ ကြွေရွက်တို့ ခမျာ
မြေမှာ ဖုန်အလူးလူး မူးမူးမေ့မေ့
ဒလိမ့်ကောက်ကွေး ကြွေလို့နေရဲ့

ဒါကိုကြည့်ပြီး
အရိုးအပြိုင်းပြိုင်းနဲ့
အကြည့်တန်ရေငတ်မတို့
ရင်ဘတ်စည်တီး ငိုကြီးချက်မနဲ့
မိုးကိုမျှော် … …


သန်းဆွေမိုး(ကလော)



ကြွေ ပွင့် - မောင်ကြူးရင့်



ကြွေပွင့်

__________________

ခုနှစ်စဉ်ကြယ်ပြောင်
အမြီးထောင်တဲ့ ည
လ ကလည်း  အ  လို့
လမ်းကလည်းတွန့်လိမ်လို့
အနက်ရောင်ကားပေါ်က
ဆံမြိတ်ပြေ သွေးဆုတ်နေတဲ့
ပန်းကလေး တပွင့်
လွင့်စင် ကျလာ
ကားမီးရောင်ထဲ
တိုးဝင် ပျောက်ဆုံးသွာတဲ့အခါ
အရာရာဟာ ကျကျန်ခဲ့တော့တယ်။            ။

 မောင်ကြူးရင့်

မြတ်ဗုဒ္ဓ - လင်းသက်ငြိမ်



မြတ်ဗုဒ္ဓ

___________________

ရှေ့တော်မှောက်မှာ
အဝိဇ္ဇာရဲ့ သားကောင်များ
မီးကျီမီးခဲတွေလို အပူအပင်တွေတရဲရဲ
ပြုံးရင်းပျော်ရင်း  ဆုတောင်းကြ
ငိုကြွေးပူဆွေးရင်းဆုတောင်းကြ
ဆုတောင်းတွေက ရင်ပြင်တော်ထက်
ချော်ရည်တွေလို ဆူပွက်စီးကျ
ရုပ်ပွားတော်မြတ် ပြုံးတော်မူနေတယ်
မြတ်ဗုဒ္ဓ ပြုံးတော်မူနေတယ် …  …

လင်းသက်ငြိမ်

အရပ်သား - မောင်သော်တာ





အရပ်သား

________________________

မီးလန့်စာ'စား
နေ့စားငွေရှင်းမှဆန်ပြေးဝယ်ချက်ရတဲ့ဘဝတွေ
သက်ကယ်ပျစ်၂ပျစ်လုံရင်  အဲဒါအမိုး
ကြမ်း၇ချောင်းကောင်းရင် အဲဒါအခင်း
ခွေးမတိုးသူခိုးမဝင်နိုင်ရုံကာထားတဲ့
တဲနန်းပြဿဒ်မှာ
်ကြယ်တွေစုံပေမယ့်
အလင်းမြုံနေရှာတယ်
ဖုန်နံ့မီးခိုးနံ့တွေစွဲနေတဲ့
ဝတ်ကောင်းစားလှတွေနဲ့
ရပ်နေတဲ့ခြေအောက်မှာ
ပြေးစရာမြေ' မကျန်တော့ဘူး
ရန်သူမျိုး၅ပါးကိုသူတို့အသားကျလွန်လွန်းလို့်  ။  ။      

မောင်သော်တာ

၂၇  ၂  ၂၀၁၆