Thursday, October 10, 2019

လူညံ့တစ်ယောက်ရဲ့ မှတ်စု - လင်းသက်ငြိမ်

လူညံ့တစ်ယောက်ရဲ့မှတ်စု
_________________ လ င်း သ က် ငြိ မ်

လမ်းဘေးကကျောက်ခဲလေးတွေသိတယ်
ဗလာစာအုပ်တွေသိတယ်
ဘောလ်ပင်လေးတွေလည်းသိတယ်
အရှုံးနဲ့ရေစက်ရှိခဲ့သူရဲ့နေ့စွဲတွေမှာ
ကောင်းကင်ကြီးလည်းပြာချင်တဲ့အချိန်ပြာတယ်
နေကလည်းသာချင်သာတာပါပဲ
သူလိုကိုယ်လို သာမာန်ပျော်ရွှင်မှုလေးနဲ့
မတင်းတိမ်တတ်တာဝဋ်ကြွေးပေါ့
အပေါစားဟာသတွေကိုမရယ်တတ်ဘူး
အကောင်းစားညစာစားပွဲတွေမတက်ဖူးဘူး
ဘဝဟာ အလိုအလျောက်စီးဆင်းနေတဲ့ရေတံခွန်ပဲ
မရပ်မနားပြဇာတ်ပဲ
လည်ပတ်နေတဲ့ ယန္တရားပဲ
လှလှပပ လွင့်မျှောဖူးတဲ့အိပ်မက်တွေ
စိမ်းလန်းနုသစ်တဲ့စိတ်ကူးတွေ
အလွယ်တကူ အလံဖြူပြတတ်တဲ့ရင်မှာ
ဒဏ်ရာဒဏ်ချက်အသစ်အသစ်တွေနဲ့
တထစ်ပြီးတထစ် ငါ့လှေကားထစ်များ
အချိုးအကွေ့သာများများလာတယ်
အပေါ်ထပ်သို့ဆိုတဲ့လမ်းညွန်ဆိုင်းဘုတ်နဲ့
တစ်ခါမှမတိုးခဲ့ဖူးဘူး။

လင်းသက်ငြိမ်



ကျနော့်စက်ဘီး - အနီ

📝 ကျေ နာ့် စ က် ဘီး 📝
________________________ အ နီ

သူ့အသံ ကလင်ကလင်ဟာ
ကျနော်ပြန်မလျှောက်နိုင်တော့မယ့်လမ်းလား။

သူ့ခြင်းကလေးထဲကကျနော့်လွယ်အိတ်ဟာ
ကျနော်ပြန်မမြင်နိုင်တော့တဲ့ရှုခင်းလား။

လယ်ကွင်းတွေကိုကျနော်ဖြတ်ခဲ့။
မြေနီလမ်းကြမ်းကိုကျနော်ဖြတ်ခဲ့။
ကားတွေကြားကျနော်ဖြတ်ခဲ့။
အားလုံးကိုဖြတ်ကျော်ခဲ့ပြီးမှ
မြစ်တွေကိုဖြတ်ရတဲ့အခါ...
ပင်လယ်ကိုဖြတ်ရတဲ့အခါ...
သမုဒ္ဒရာကိုဖြတ်ရတဲ့အခါ...
ကျနော်သူ့ကိုအယုံအကြည်မဲ့လာတာ..
သူ့မှာခွန်အားမရှိတော့ဘူးလို့ထင်ခဲ့တာ...
အဖေ့ထင်းရုံထဲဖြစ်သလိုထားခဲ့တာ။ ။

ဟောဒီလေလှိုင်းတွေထဲကနေ
ကျနော်ဖမ်းဆုပ်မိထားတဲ့အသံတွေအများကြီးရှိတယ်။
ဝမ်းသာအားရလက်ဝါးကိုဖြန့်ကြည့်လိုက်တဲ့အခါ
သူ့အသံဟာပါမလာဘူး။
ဝမ်းနည်းရုံပါပဲ..
ကျနော်သူ့ကိုဖုန်းဆက်မရဘူးလေ။။

အ နီ





လူရာဝင်ချင်တဲ့ တောက်တဲ့တစ်ကောင်

လူရာဝင်ချင်တဲ့ တောက်တဲ့တစ်ကောင်
_____________________________
_________________မောင်သက်ငြိမ်

ဆွေးမြေ့ဟောင်းနွမ်းစက်ရုံအိုကြီးထဲ
အရာရာနေ့စဉ်ညဆက်
လူခြေတိတ်ပြီဆို ရင်ဘတ်ကြီးညှစ်ညှစ်ပြီး
တောက်တဲ့ဆိုတဲ့ ငါ
တောက်တဲ့မှန်းသိအောင် တောက်တဲ့- - -
တောက်တဲ့ လို့
အာခေါင်ခြစ်အော်
ကိုယ့်ကို ကိုယ်ဖော် မသူတော်လား
သစ်ကိုင်းကျိုးသံကြားတိုင်း ထပြေးတတ်တဲ့
ခပ်ညံ့ညံ့ ယုန်သူငယ်တကောင်တော့မဟုတ်ဘူး
ကျုပ်အော်သံကြားတိုင်း စီးပွားတက်မယ်ယုံတဲ့
အောက်သိုးသိုးအပျိုကြီးတွေက
ကျောချင်းကပ်ထားချင်လောက်အောင်
ကျုပ်က တယ်ပြီးဆရာကျသကိုး
ယောင်နေတဲ့ခေတ်မှာ
ငေါင်နေတဲ့ကောင်မဟုတ်ဘူး
မလွယ်မှန်းသိတာတွေကို(လွယ်အိတ်အပြည့်)
လွယ်ထားချင်တဲ့ကောင်
မိုးလေဝသမမှန်တာလည်း တောက်တဲ့နဲ့မဆိုင်ဘူး
မြေကြီးလက်ခတ်လွဲသွားတာလည်းတောက်တဲ့နဲ့
မဆိုင်ဘူး
``ကျား´´မြင်တိုင်းလမ်းဘေးအိမ်သာလို့မြင်တာလည်း
တောက်တဲ့နဲ့မဆိုင်ဘူး
ခရိုနီတွေလက်ပေါက်စိပ်ခဲ့လို့မြေယာမဲ့များသွားတာ
လည်းတောက်တဲ့နဲ့မဆိုင်ဘူး
NCA လက်မှတ်ထိုးတာလည်းတောက်တဲ့နဲ့မဆိုင်ဘူး
တွေးမိတာ
တောက်တဲ့ယောင်ဆောင်ထားတဲ့ကောင်တွေက
တောက်တီး တောက်တဲ့နဲ့
တောက်တဲ့ . . . . တောက်တဲ့ လို့ရောယောင်အော်နေရင်
ခေတ်ကြီးတခုလုံး အရိုးပေါ်အရေတင်နေမှာကိုပဲ
အားနာတယ်။               ။

မောင်သက်ငြိမ်



အဖေမဖတ်ဖူးသေးတဲ့ကဗျာ - သစ်ပင်

အဖေမဖတ်ဖူးသေးတဲ့ကဗျာ
________________________________________________ သ စ် ပ င်

အဝေးပြေးကားဂိတ်မှာ
အဝေးသွားမယ့်သားကို
ဖအေက နမ်းတယ်
ကျွန်တော်လည်း အဝေးသွားသူမို့
အဝေးက အဖေ့ကိုလွမ်းတယ်

သူဌေးကြီးတစ်ယောက်ကပြောတယ်
သမီးကျွေးတဲ့လက်ဖက်တစ်ရိုးဟာ
တယ်ချိုဆိုပဲ
ဒီတစ်ခါရွာပြန်ရင် လက်ဖက်ဝယ်သွားမယ်

အသက် ၆၀ သားကို
အသက် ၉၀ အမေက
လမ်းကူးရင်သတိထားကူးဖို့
သတိပေးသံကြားဖူးတယ်
အဖေ့ကိုတွေ့ရင်
မြို့မှာလမ်းကူးရတာ
အန္တရာယ်များကြောင်း ပြောပြမယ်

သားဆိုးလေးကို
ကျောင်းမှန်မှန်တက်ရင်
ဆယ့်ငါးသိန်းတန်ကွန်ပျူတာဝယ်ပေးမယ်လို့
အဖေတစ်ယောက်ပြောသံကြားဖူးတယ်
သင်တန်းတွေ မှန်မှန်တက်ပါတယ်
ဘတ်စကားခလေး အဖေပေးမလားလို့ပါ

သား,သမီးနှစ်ယောက်ကိုငဲ့လို့
အသက်သုံးဆယ်မုဆိုးဖိုဟာ
ချစ်ရသူကိုလက်မထပ်တဲ့အခါ
ဒီဇာတ်လမ်းကို
အဖေ့ကိုမပြောဖြစ်ပါ
ဒီတစ်ခါရွာရောက်ရင်
အဖေ့နောက်မိန်းမကို
'အမေ'လို့ခေါ်မလို့ပါ

အဖေများစိတ်ချမ်းသာမလားလို့ပါ
ဒီကဗျာကို အဖေမဖတ်ဖူးပါ။

သစ်ပင်
MAY 3,2014

[မန္တလေး-မြစ်ကြီးနား ရထားပေါ်တွင်ရေးသည်]





တဖက်ပြီးတဖက် ဆိုးပေ - လွင်နောင်နောင်

တဖက်ပြီးတဖက် ဆိုးပေ
__________________လွ င်ေ နာ င်ေ နာ င်

ညနေစောင်းရင် ဆိုးပေမူးနေပြီ ...
အကြော်သည်အမေကြီးကတော့
ဆီညှော်နံ့တွေကြား
မျက်ရည်တဖက်
ဒုက္ခမီးခိုးတဖက်။

နဲနဲမှောင်လာရင်ဆိုးပေ စဆဲပြီ...
အကြော်သည်အမေကြီးကတော့
အိုးမဲပေနေဆဲ ပါးခွက်ခွက်တဖက်
သောကမျက်ရည်တဖက်။

ညဦးရောက်ရင်ဆိုးပေ ရမ်းကားပြီ...
အကြော်သည်အမေကြီးကတော့
မရှိမဲ့ရှိမဲ့ချက်ထားတဲ့ ကြက်သားဟင်းက တဖက်
မေတ္တာမီးခွက်တဖက်။

ညနက်လာရင်ဆိုးပေရန်ဖြစ်ပြီ...
အကြော်သည်အမေကြီးကတော့
ဘုရားစာရွတ်တဲ့နှုတ်ကတဖက်
သားကိုဆွဲတဲ့လက်ကတဖက်။

တော်တော်မှောင်ပြီးလို့
တော်တော့်ကိုမှောင်နေပြီဆိုရင် ...
အမူးလွန်နေတဲ့ဆိုးပေကတဖက်
မနိုင်မနင်းတွဲနေတဲ့
အကြော်သည်အမေကြီးတဖက်။           ။

 
လွင်နောင်နောင်



တောသား - မောင်ကြူးရင့်

📝ေ တာ သား 📝
______________________ မောင်ကြူးရင့်

အိုင်ယာလန်ထီပေါက်ချင်တယ်
ကမ္ဘာ့အကောင်းဆုံးလေယာဉ်ကို
စင်းလုံးငှားစီးခရီးသွားမယ်
အကောင်းဆုံးကြယ်ငါးပွင့်ဟိုတယ်မှာနေမယ်
အကောင်းဆုံးအရက်သောက်မယ်
အကောင်းဆုံးမီနူးမှာစားမယ်
အလှပဆုံးအလှမယ်နဲ့လျှောက်လည်မယ်
အလှပဆုံးနေရာတွေကိုသွားမယ်
အလှပဆုံးကိုယ်လုံးတီးကျွန်းကိုကြည့်မယ်
တောသားပီ ဝဝစား ဝဝအိပ် ဝဝပျော်မယ်
ပြီးရင်ကျန်ငွေအားလုံးကို
ကမ္ဘာ့စစ်ဘေးဒုက္ခသည်တွေအတွက်
အားလုံးလှူဒါန်းခဲ့မယ်
ပြီးရင်မူလတောသားဘဝအတိုင်းပြန်နေမယ် ။

                မောင်ကြူးရင့်
               ၂၁့  ၆့  ၂၀၁၆



မြွေ - ဝင်းသိန်းထွေး

***ေ မြွ ***
_______________ ဝင်းသိန်းထွေး

အဲ့ဒီအဖြစ်အပျက်မတိုင်ခင်လေးကမှ
မြွေဟာ
ကြိုးတစ်ချောင်းပုံချထားသလို ခွေနေတယ်။

နောက်တော့
ရေနွေးပူပူနဲ့တွေ့တဲ့
မျိုးကောင်းရိုးကောင်းလက်ဖက်ခြောက်တွေ အလိမ်ပြေလာသလို
သူ့ခန္ဓာကိုယ်ကို ဆန့်ထုတ်လိုက်တယ်။

မြွေဟာ
ပွင့်နေတဲ့တံခါးပေါက်ကနေ
မိန်းကလေးနေနေတဲ့အခန်းထဲ တွားဝင်လာတယ်။

မိန်းကလေးငယ်ငယ်ကတော့
အလှပြင်မှန်တင်ခုံရှေ့အကျအနထိုင်ကာ
ရောင်စုံလက်သည်းဆိုးဆေးအစုံစုံနဲ့
သူမလက်သည်းတွေအပေါ် `ကော်ဇောကွက်ပုံ´ပုံဖော်နေလေရဲ့။

မိန်းကလေးက
သွားကြားထိုးတံကလေးနဲ့
အဖြူရောင်ဆေးသားကိုကော်ပြီး
ညာဘက်လက်ခလယ်ရဲ့လက်သည်းခွံပေါ် အစက်ချနေချိန်မှာ
မြွေဟာ 
ကြည့်မှန်မှန်ပေါင်အခုံးထက်ရောက်နေပြီ။

သင်္ကာမကင်းစရာအနံ့ကြောင့်
မှန်ဆီအကြည့်ရောက်သွားတော့
သူမဦးခေါင်းထဲ တိုးဝင်နေတဲ့မြွေတစ်ကောင်
တစ်ကိုယ်လုံးနက်မှောင်လို့။

ကြည့်မှန် မှန်သားထဲကတဆင့်
သူမခေါင်းထဲ ထိုးခွဲဝင်ရောက်နေပုံမှာ
ဘယ်တော့မှ ပြန်ထွက်မလာတော့မယ့်အတိုင်း
အဲဒီမြွေ ။ ။

ဝင်းသိန်းထွေး