Sunday, July 27, 2014

ေ အာ် သံ . . . မ င်း ညွ န့် လှို င်

ေ အာ် သံ ၊                                      မ င်း ညွ န့် လှို င်

 ''ေ အာ် သံ . . . . .''

___________________
                             မင်းညွန့်လှိုင်


တင်ထားလိုက်တဲ့မုန့်ထုပ်တွေက
တလုံးတခဲကြီး
မုန့်လုံးကြီးလိမ့်နေသလိုလို
စက်ဘီးနင်းနေသူကိုမှမမြင်ရ။
ဘတ်စ်ကားသေးသေးလေးကို
အုံခဲနေတဲ့လူတွေကတထွေးကြီး
လူအထုံးအထွေးကြီးပြေးလွှားနေသလိုလို။

ပလက်ဖောင်းတလျှောက်
အရောင်စုံအသံစုံအနံ့အသက်စုံ
ငါသူတပါး ယောက်ျားမိန်းမ မကွဲပြား
ပူလောင်ခြင်းသာ ထင်ရှားတဲ့အမှတ်အသား
အပူစီးကြောင်းကြီးရွေ့လျားနေပါလား။

အထပ်မြင့်အဆောက်အဦကြီးတွေက
ဘယ်လိုသက်ရှိမျိုးတွေသိုလှောင်ထားပါလိမ့်
ကတ္တရာလမ်းချောက်နက်နက်ထဲ
ပုရွက်တစ်ကောင်လိုငါတွေးခေါ်မိ
ဖန်ရောင်မှန်ရောင် သတ္တုရောင်တဖျတ်ဖျတ်မှာ
လူရိပ်လူယောင်မှမမြင်ရပါလား ။

သံပန်းတံခါးတထပ်
သစ်သားတံခါးရွက်တထပ်
ချောင်းကြည့်ပေါက်ပိစိလေးရဲ့တဖက်မှာ
ငါရှာဖွေနေတဲ့
မျက်ဝန်းလှလှရှိဖို့မသေချာ။

လွမ်းမောဘွယ်တက္ကသိုလ်ညများရဲ့
ပုံပြင်တွေထဲကသရဲတစ္ဆေမှာ
မျက်နှာမပါသလိုမျိုး
ဒီမြို့ကြီးမှာ
ငါသိထားတဲ့မျက်နှာတွေ
ဘယ်ရောက်နေကြပါလိမ့်။

မြို့ကြီးမျက်မည်းထဲ
လူပျောက်နေတယ်
လူပျောက်နေတယ်
လူပျောက်နေပါတယ်ဗျို့
ငါ့အော်သံလည်း
မျက်ကလဲဆန်ပျာ
မျက်စိမျက်နှာပျက်နေပါရောလား ။      ။
                               
                                                       မင်းညွန့်လှိုင်

တစ်ကိုယ်တော်ရွက်လွှင့်ရတဲ့အရသာ ။မောင်သော်တာ

တစ်ကိုယ်တော်ရွက်လွှင့်ရတဲ့အရသာ
                   မောင်သော်တာ

သိပ္ပံဝတ္ထုနယ်ထဲကိုနယ်ကျွံရေးသားထားသလား
အောင်းမေ့ရတယ်
လမ်းမပေါ်မှာ
ကားအင်္ဂျင်ကထုတ်လွှတ်တဲ့မီးခိုးတွေ
လေဆိုးထုတ်ပန်ကာတွေ
စုတ်စုတ်လန်ကိုယ်ရည်သွေးမှုတွေ
တက္ကသိုလ်အချိန်ပိုင်းကျူရှင်ကြော်ငြာတွေ
မှတ်တိုင်မှာသွေးတောင့်အောင်ရပ်နေတဲ့ခြေထောက်တွေ
ဗုံးပေါလအော---
လူ့ဘဝနဲ့ဆိုင်တဲ့
အစွန်းရောက်ဝါဒီရဲ့အစွန်းရောက်ဝါဒ
တွင်းတူးစက်ကို
မြင်ကွင်းရောင်စုံနဲ့ခင်းကျင်းပြသထားသလို
နောင်ကြဉ်အောင်သတိပေးခံနေရတယ်--ငါ့မှာ
ကိုယ်ဟာ လက်စ'တုံး ပါးကွက်သား
သေတမ်းစာအတည်ပြုပေးရသူ
ဥာဏ်အလေ့အကျင့် မှတစ်ပါး
တကယ့်ကိုခြေကုန်လက်ပန်းကျနေပါပြီ
ခွင့်လွှတ်ပေးနိုင်လောက်တဲ့ဆင်ခြေတွေလည်း
ကားလိပ်နောက်ကိုဝင်သွားနှင့်ပြီ
'တပ်ထွက်'တစ်ယောက်ရဲ့မျက်နှာအမူအယာမှာ
ဗုံးပေါက်မှုနဲ့ အာမေဍိတ်သံနဲ့
သေဝနီးပါး ပီတိအဟုန်ကျလို့
မျှော်လင့်ချက်တွေကို
အတင်းအကြပ်/ အတိအကျ/ ညှစ်ထည့်လိုက်တယ်
တစ်ချိန်ချိန်မှာ တစ်ချို့တစ်ချို့တွေ
ချဲ့ကားပြောဆိုစရာ
ချန်လှပ်ထားတဲ့အရာတွေလည်းရှိမယ်လေ။
                                                 
                                       မောင်သော်တာ