Monday, June 30, 2014

အ ကျ န် ( ၁ )



အ ကျ န်  ( ၁ )

ခုတော့
ခရမ်းရောင်ပူဖေါင်း
တစ်လုံး
လေထဲမှာတန်းလန်း
ငါ့ ကို
စာနာဟန်ငေးလို့  ။        ။

                                   မ င်းညွ န့် လှို င်

Wednesday, June 25, 2014

လ က် နှ စ် ဘ က် | မင်းညွန့်လှိုင်

    လ က် နှ စ် ဘ က်        မ င်း ညွ န် လှို င်                        

လ က် နှ စ် ဘ က်

လက်နှစ်ဘက်
ထွက်ခွာရာပုဒ်မတူတဲ့ လက်နှစ်ဘက်
လက်နှစ်ဘက် အသွေးအမွေးမတူတဲ့
လက်နှစ်ဘက် အရောင်းအဆင်းမတူတဲ့
လက်နှစ်ဘက် နောက်ခံကားချပ်မတူတဲ့
လက်နှစ်ဘက် . . .
ကြားခံလေထဲမြောက်တက်လာတဲ့
လက်နှစ်ဘက်
တပ်ဆင်ဆဲတံတားသံဘောင်လို
လက်နှစ်ဘက်
လှိုက်လှိုက်လှဲလှဲ နူတ်ဆက်မလို
လက်နှစ်ဘက်
သူနိူင် ကိုယ်နိူင်မောင်းလှဲမှာလား
လက်နှစ်ဘက်
ဆိုက်ရောက်ရာပုဒ်ကို မရေးခြစ်နိူင်သေးတဲ့
လက်နှစ်ဘက် . . . . . . . . . 

                                      မင်းညွန့်လှိုင်
                               ဒေါင်းအိုးဝေ | ဇန္နဝါရီလ|၂၀၁၄  မှ                      
                                                ကူးယူပြဖော်သည် ။






Monday, June 23, 2014

ေ ရွှ ပြ ည် ကြီး

ေ ရွှ ပြ ည် ကြီး

                  အောင်လွန်းမြိုင် + ရန်လင်းအောင်
ေ ရွှ ပြ ည် ကြီး   |ေ အာ င် လွ န်း မြို င်  +  ရ န် လ င်းေ အာ င်

ေ ရွှ ပြ ည် ကြီး

သမိုင်းဟာ . . . .
သွေးနဲ့ ရက်ကြပ်နေ 
ကိုယ့်မွေးနေ့ကိုယ်
မေ့လို့  ။

                အောင်လွန်မြိုင်
           +  ရန်လင်းအောင်

Tuesday, June 3, 2014

တောင်ငူမြို့ မြတ်စောညီနောင် နှင့် ရှင်ပင်ကျောက်ဆောက်စေတီများ သမိုင်းအကျဉ်း

တောင်ငူ             မြတ်စောညီနောင်စေတီတော်မြတ်
တောင်ငူ ရှင်ပင်ကျောက်ဆောက်စေတီ
( မယ်တော်စေတီ)
တောင်ငူ ရှင်ပင်ကျောက်ဆောက်စေတီတော်မြတ်


ရှင်ပင်ကျောက်ဆောက် နှင့် မြတ်စောညီနောင်

        မြတ်စွာဘုရားသည် လယ်ကိုင်းကျောင်းတော်ရာ၌ သီတင်းသုံးနေစဉ် တစ်နေ့တွင်  “ ဇေယျဝဍ္ဎန’’ တိုင်း၊ တောင်ငူ ဒေသ သို့ ရှင်အာနန္ဒာ၊  အရှင်ဂ၀ံပတိ၊ ရှင်သီဝလိ၊ တို့နှင့် ဒေသစာရီ ကြွချီတော်မူလာရာ တောင်ငူမြို့ အနောက်ဘက် မင်းဝံ တောင်သို့ ရောက်လာရာ ခပေါင်းချောင်းဘေး  “ ရွှေလောင်း’’ ရွာ အနီးတွင် ခေတ္တ တန့်တော်မူပြီး ရှင်အာနန္ဒာအား “ ငါ တို့ ညီ
နောင် နှစ်ပါး ကြက်မင်းညီနောင် ဖြစ်စဉ်အခါက ယခု နေရာတစ်ဝိုက်တွင် အစာရှာပြီး စစ်တောင်း( ပေါင်းလောင်း) မြစ် အရှေ့
ဘက်တွင် အိပ်တန်းဝင်ကြောင်း “ နောင် ငါပရိနိဗ္ဗာန် ပြုသောအခါ ငါ၏ ကျောကုန်းရိုးမှ ကျသော ဓာတ်တော်ဖြင့် စေတီတည် လတ္တံ့ ’’ ဟု ဗျာဒိတ်ပေး ခဲ့၏ ။ ထို့နောက် စစ်တောင်းမြစ်အတွင်း သို့ စီးဝင်သော “ ပြုံး’’ ချောင်းဘေးတွင် ရပ်တန့်တော်မူပြီး
“ ဤအရပ်သည် ငါတို့ ကြက်မင်းညီနောင်ပေါက်ဖွားပျော်စံရာ အရပ်ဖြစ်ကြောင်း၊ ငါပရိနိဗ္ဗာန် ပြုသောအခါ ငါ၏ လက်ရုံးတော်
မှကျသော ဓာတ်တော်နှင့် မေးရိုး မှကျသော ဓာတ်တော်တို့ဖြင့် စေတီတည်ထားကိုးကွယ်ကြလိမ့်မည် ။”ဟု ဗျာဒိတ်တော်ပေးပြီး
ပြန်လည်ကြွမြန်းတော်မူလေသည် ။
            ဤတွင် မြတ်စွာဘုရားသည် ဧရာဝတီမြစ်၏ အရှေ့ဘက်ကမ်းသို့ ကူးကြွရိုးထုံးစံမရှိ ခဲ့ကြောင်း ဆိုကြရာ မြတ်စွာ ဘုရား တောင်ငူဒေသသို့ ကြွတော်မူလာခြင်းမှာ မြတ်စွာဘုရားသည် ရှင်အာနန္ဒာ နှင့် အတူ အတိတ်ဘ၀က ကြက်မင်းညီနောင်
ဖြစ်ခဲ့ပြီး ကျင်လည်ရာအရပ် ဖြစ်ခဲ့၍ လည်းကောင်း ယင်းဒေသကို နောင်တွင် သာသနာထွန်းကားစေလို၍ လည်းကောင်း
“ နိမိတ္တ ” တန်ခိုးပြ၍ ကြွမြန်းတော်မူလာခြင်း ဖြစ်သည်ဟုလည်း ယူရမည် ဖြစ်ပါသည် ။

Monday, June 2, 2014

ရ န် လ င်းေ အာ င် ၊ ကျေ န

ရန်လင်းအောင်
ကျနေ ( ကဗျာ- ဗီဒီယိုဖိုင် )
https://www.youtube.com/watch?v=b1uPRJiIjrg ဒီမှာ ဒေါင်းလုပ် ။

ငါ့  အေ ၀း များ ၊ ရန်လင်းအောင်


ငါ့  အေ ၀း များ                           ရ န် လ င်းေ အာ င်



ငါ့ အဝေးများ . . .

သီချင်းတွေ
ဘယ်လောက်ဖြည့်ဖြည့် မလောက်ခဲ့
ရင်နဲ့ ရင်းလို့ ဘယ်လောက်ကာကာ မလုံခဲ့
ကဗျာတွေ ဘယ်လောက်ထည့်ထည့် မ၀ခဲ့
ကြယ်တွေဘယ်လောက်ဆင်ဆင်
မစင်ကြယ်တဲ့ တစ်မိုးအောက်မှာ
ငိုသံမတိတ်နိူင်
သွေးလည်းမတိတ်နိူင်
ကျော်ရမယ့် တောင်စဉ်တောင်တန်းတွေ
ဆယ်ရမယ့် မြစ်တွေ ချောင်းတွေ
ကယ်ရမယ့် လမ်းမကြီးငယ်တွေ
သွေးနဲ့ ရင်းမှ မွှေးမယ့်ပန်းတွေ
မျက်ရည်နဲ့ ဖွဲ့ မှ လှမယ့်ကဗျာတွေ
အပူသည်းသည်း
အယူသီးသီး
ဒီကမ္ဘာကြီးကိုတော့ဖြင့်
ဘာတစ်ခုမျှ
စောဒက မတက်နိူင်တော့ပြီလား ၊
မရေးဖြစ်တဲ့ကဗျာ
ပိုကောင်းလေရော့သလား၊

''ကိုယ့်ကိုယ်ကိုသာ
သနားပါ၊ များသတ္တ၀ါ "
''ကိုယ့်ကိုယ်ကိုသာ
သနားပါ၊ များသတ္တ၀ါ "
တေဘုမ္မာသီချင်းကိုသာ
သံယောင်တိုင်တည်
ဆိုညည်းမိနေတော့တာ ။

                             
                                ရန်လင်းအောင်

လေးကျွန်းမြေ ၊ ကဗျာတွေ့မှတ်တမ်း (၁)

https://www.youtube.com/watch?v=o1ECsho3RG0  လေးကျွန်းမြေ ၊ ကဗျာတွေ့မှတ်တမ်း (၁)