Sunday, August 19, 2012

ရန်လင်းအောင် မေတ္တာ

 
မေတ္တာ
                      
                         လကွယ်ညကိုခင်းအိပ်ရဲတဲ့
                         ကြယ်တွေနဲ့
                         ငါ့အိမ်ကလေးကိုမိုးထားတယ်
                        
                         ပေါင်မုန့်တစ်လုံးပဲစားချင်တယ်
                         ပေါင်မုန့်အများကြီး
                         ပြန်ပေးမယ် 
                         သစ်ရွက်ကလေးကိုတောင်
                         ကြုံရာလေနဲ့ မလိုက်စေချင်သူပါ …………။             


ရန်လင်းအောင်
၂၀၀၁ ခုနှစ် ၊ဇွန်လ
         ဟန်သစ် မဂ္ဂဇင်း။    



ရန်လင်းအောင် ရထားစီးသူ


















ရထားစီးသူ

ရထားက
ရထားလိုပဲသွားပေမပေါ့ ။
ငါတို့ဟာ
ရထားကို
ရထားလိုမစီးတတ်ခဲ့ကြဘူး ။
ဥသြဆွဲသံမှာ . . . . . . . . . . .
မွှေးရနံ့လိုလို
မျက်ရည်နံ့လိုလို
ဥသြဆွဲသံမှာ . . . . . . . . . . .
အလွမ်းဝေသလိုလို
စမ်းရေလိုလို
ဥသြဆွဲသံမှာ . . . . . . . . . . .
အချစ်လက်ရှိလိုလို
အချစ်လက်မဲ့လိုလို
ကောက်ကာငင်ကာမေးခွန်းများ
ကောက်ကာငင်ကာအဖြေလွှာများ
ဥသြဆွဲသံမှာ . . . . . . . . . . .
မြူအဆင်လိုလို
လူအသွင်လိုလို
ခက်ခက်နဲ့ခဲထားရသော
အဆက်အတွဲများ . . . . . . .
ဥသြဆွဲသံမှာ . . . . . . . . . . .
ဥသြဆွဲသံမှာ . . . . . . . . . . .
သဘာဝလို့   တွေးကြည့်လိုက်
အာသ၀မို့    ဆွေးမြည့်လိုက်
အဲ့သလို  ဘ၀ကို  စတေးလို့
အဲ့သလို  ဘ၀ကို  ငေးလို့
ရထားကို
ရထားလိုမဆက်ဆံမိသူ
ဆေးစက်ကျရာဘူတာစဉ်များ
ကိုယ်တိုင်သံလမ်းခင်းမိသူ ။ . . . . . . . . . .။

ရန်လင်းအောင်











             နှစ်ယောက်စာသီချင်း


ဝိုင်အပြည့်ပုလင်းဆီ
လမ်းကြုံလိုက်ခဲ့ ၊

ဆိုသောသီချင်းအတိုင်း
ဒရမ်ရိုက်ချက်များနဲ့
တွယ်ငြိလာ…………၊

အခွံလွှာထားတဲ့ စာသားကိုယ်စီ
ဇစ်ဆွဲကြည့်ရာ
လက်ယှက်ထိုးလို့ ၊

အသံနှစ်ခု ၊
အကွာအဝေးမတွက်တဲ့ကြိုးပေါ်မှာ
သူ့ဝပ်အား၊ ကိုယ့်ဝပ်အား
ညီမျှဖို့ပါပဲ   ။ ……………………။


ရန်လင်းအောင်
မိုးဂျာနယ်
၂၀၀၀ ပြည့်နှစ်၊ ဒီဇင်ဘာ


ဆရာတော် ဦးဇောတိက “တစိမ့်စိမ့်တွေးမယ်”

ဆရာတော် ဦးဇောတိက “တစိမ့်စိမ့်တွေးမယ်”

I have no parents. I make the heavens and earth my parents.
ငါ့မှာ မိဘမရှိပါဘူး။ ငါဟာ ကောင်းကင်နဲ့ မြေကြီးကို (သဘာဝတရားကို) မိဘသဖွယ် လုပ်ထားပါတယ်။

I have no home. I make awareness my home.
ငါ့မှာ အိမ်မရှိပါဘူး။ ငါဟာ သတိကို အိမ်လုပ်ပြီးနေပါတယ်။

I have no life or death. I make the tides of breathing my life & death
ငါ့မှာ မွေးဖွားခြင်း၊ သေဆုံးခြင်းဆိုတာ မရှိပါဘူး။
ဝင်လေ ထွက်လေကိုပဲ မွေးဖွားခြင်း၊ သေဆုံးခြင်းလို့ သဘောထားပါတယ်။

I have no divine power. I make honesty my divine power.
ငါ့မှာ တန်ခိုး မရှိပါဘူး။ ရိုးသားမှုကို င့ါရဲ့ တန်ခိုးအဖြစ် လုပ်ထားပါတယ်။

I have no friend. I make my mind my friend.
င့ါမှာ မိတ်ဆွေသူငယ်ချင်းအပေါင်းအသင်း မရှိပါဘူး။
ငါဟာ ငါ့စိတ်ကို မိတ်ဆွေအဖြစ် လုပ်ထားပါတယ်။

I have no enemy. I make carelessness my enemy.
ငါ့မှာ ရန်သူမရှိပါဘူး။ သတိမပါ၊ ဥာဏ်မပါ ပေါ့ပေါ့တန်တန် ဖြစ်သလို
နေတတ်၊ လုပ်တတ်တာကိုပဲ ငါ့ရန်သူလို့ သဘောထားပါတယ်။

I have no armour. I make benevolence my armour.
ငါ့မှာ သံချပ်ကာအင်္ကျီ မရှိပါဘူး။ သူတစ်ပါးကောင်းကျိုးကို လိုလားတဲ့စိတ်ကိုပဲ သံချပ်ကာအင်္ကျီသဖွယ် လုပ်ထားပါတယ်။

I have no castle. I make immovable mind my castle.
ငါ့မှာ ရဲတိုက် မရှိပါဘူး။ ငါဟာ တည်ငြိမ်တဲ့ စိတ်ကိုပဲ ရဲတိုက်ကြီးအဖြစ် လုပ်ထားပါတယ်။
I have no sword. I make absence of self my sword.
ငါ့မှာ ဓါးရှည် မရှိပါဘူး။ အတ္တမရှိခြင်းကိုပဲ လက်နက်ဖြစ်တဲ့ ဓါးရှည်ကြီးအဖြစ် လုပ်ထားပါတယ်။
ကိုယ့်ဘ၀ကို စည်းကမ်းရှိရှိ ဖြောင့်ဖြောင့်သွားချင်ရင် -
ကိုယ့်စိတ်ကို ကိုယ်သိအောင် လုပ်ရမယ်။ ၀မ်းနည်း၊ ၀မ်းသာ အဖြစ်နည်းပြီး
ကြည်လင်အေးချမ်းတဲ့စိတ်နဲ့ ဆုံးဖြတ်ရမယ်။

ဘ၀ရဲ့အရည်အသွေးကို မြင့်မားစေချင်ရင် -
စိတ်ရဲ့အရည်အသွေးကို မြင့်မားအောင် ကြိုးစားမှ ဖြစ်မယ်။
ဘ၀ရဲ့အဆင့်အတန်းကို စိတ်ရဲ့အဆင့်အတန်းနဲ့ပဲ တိုင်းတာသင့်တယ်။

လူဟာ အများအကျိုးကို ဆောင်ရွက်မှလည်းပဲ
ကိုယ့်ဘ၀ကို ကျေနပ်မှု ရနိုင်မယ်။

ဘ၀ဟာ အင်မတန် တိုတောင်းလှပါတယ်။
သူများမကောင်းကြောင်းတွေ ထိုင်တွေးနေဖို့ အချိန်မရှိပါဘူး။

သေခြင်းတရားကို တည်တည်ငြိမ်ငြိမ် ရင်ဆိုင်သွားနိုင်မှသာ
လူ့ဘ၀ကို အောင်အောင်မြင်မြင် နေသွားတဲ့သူလို့ ဆိုနိုင်မယ်။

သေခါနီးမှာ ကိုယ့်ကိုစီရင်ချက်ချမဲ့သူဟာ ကိုယ့်စိတ်ပဲ။

မနေ့က ငါထက် ဒီနေ့ငါက ပိုပြီး စိတ်ထားကောင်းမှသာ
ငါ့ဘ၀ကို ငါကျေနပ်နိုင်မယ်။

စက္ကန့်တိုင်း စက္ကန့်တိုင်း၊ တစ်ခဏတိုင်း တစ်ခဏတိုင်း ကို
တန်ဖိုးထားနိုင်မှသာ ဘ၀ဟာ တန်ဖိုးရှိတဲ့ဘ၀ ဖြစ်မှာပါ။

တစ်ခဏတိုင်း တစ်ခဏတိုင်းကို သတိလေးနဲ့ နေလိုက်ပါ။

ဘ၀ရဲ့ မရေရာ မသေချာတတ်တဲ့ သဘာဝကို လက်ခံနိုင်မှ
ဘ၀ရဲ့ အဓိပ္ပါယ်ကို ပိုပြီး နားလည်မယ်။

ဘ၀ဆိုတာ စွန့်စားရတဲ့ ခရီးရှည်ကြီးပါ။

ကိုယ့်အမှားတွေကို ရိုးရိုးသားသား ကြိုးကြိုးစားစား ပြင်တဲ့သူဟာ
ကိုယ့်ကိုယ်ကို ချစ်တဲ့သူဖြစ်တယ်။
ကိုယ့်ဘ၀နဲ့ပတ်သက်ပြီးတော့ အကောင်းမြင်တတ်တဲ့သူ၊
ကောင်းတာတွေဖြစ်လာမယ်လို့ ယုံကြည်တဲ့သူ၊
ကောင်းအောင်လည်း ကိုယ်တတ်နိုင်သလောက် ကြိုးစားနေသူ အတွက် ကောင်းတာတွေဖြစ်တာ များလာမှာ သေချာတယ်။

မကျေမနပ်ဖြစ်နေတဲ့စိတ်ဟာ မလွတ်လပ်ဘူး။
ငြိမ်းချမ်းသလောက်ပဲ လွတ်လပ်တယ်။

ကိုယ့်ကို အများဆုံး စိတ်ဆင်းရဲအောင်လုပ်တာဟာ သူများ မဟုတ်ပါဘူး။
ကိုယ့်စိတ်ပါ။ ကိုယ့်အတွေးပါ၊ ကိုယ့်သဘောထား မှားနေလို့ပါ။

ဘယ်လိုအခြေအနေ ဘယ်လိုအချိန်အခါမှာပဲဖြစ်ဖြစ်
သတိနဲ့ ကိုယ့်စိတ်ကို ကြည့်ပြီးတော့ သိပြီးတော့ နေကြမယ်ဆိုရင်
ဘ၀ရဲ့ အရည်အသွေးဟာ အတိုင်းအဆမရှိ မြင့်မားလာနိုင်တယ်။

စိတ်ငြိမ်းချမ်းမှုထက်ပိုပြီး တန်ဖိုးရှိတဲ့အရာ
ဘယ်လိုအရာမျိုးမှ မရှိပါဘူး။

ချီးမွမ်းတယ်၊ ကဲ့ရဲ့တယ်ဆိုတာ သူတစ်ပါးရဲ့စိတ်ထဲမှာ
ခဏလေးဖြစ်သွားတဲ့ အတွေးလေးတစ်ခုပါ။

ကိုယ့်ကို မှီခိုနေအောင်လုပ်တာ သူ့ကို ချစ်တာမဟုတ်ဘူး။
ကိုယ့်ကိုယ်ကို ချစ်တာ။
တကယ့်မေတ္တာဆိုတာ ဘာလဲဆိုတော့
သူ့သာသူ စိတ်ချမ်းသာအောင် နေတတ်သွားအောင် နည်းလမ်းပေးလိုက်တာပဲ။

တကယ်မေတ္တာစစ်မှန်သွားရင် -
ကိုယ့်အတွက် ဘာအကောင်းဆုံးလဲလို့ တွေးမှာ မဟုတ်တော့ဘူး။
သူ့အတွက် ဘာအကောင်းဆုံးဖြစ်မလဲ ဆိုတာကိုတွေးပြီး အဲဒါကိုလိုလားတယ်။

မေတ္တာဆိုတာ သူတစ်ပါးအတွက် အာဟာရဖြစ်သလို
ကိုယ့်အတွက်လည်း အာဟာရ ဖြစ်ပါတယ်။

                ဦးဇောတိက(မဟာမြိုင်တောရ)
ဓမ္မဒူတ အရှင်ဆေကိန္ဒ   “အသိပေးစကားစုများ” (၁)

စိတ်ဆိုးနေတဲ့အခါ ကောင်းတဲ့စိတ်နဲ့ လဲ လိုက်ပါ။ ရှုပ်နေရင် ရှင်းတဲ့စိတ်၊ ပူနေရင် အေးတဲ့စိတ်၊ နောက်နေရင် ကြည်တဲ့စိတ်နဲ့ ချက်ချင်း လဲ လိုက်ပါ။

ကောင်းတာကို လုပ်ဖို့လွယ်ရင် ကောင်းတဲ့လူ၊
မကောင်းတာကို လုပ်ဖို့ လွယ်တယ်ဆိုရင် ?

ဝမ်းသာစရာတွေလည်း ကြုံခဲ့ဖူးပါပြီ။
ဝမ်းနည်းစရာတွေလည်း ဆုံခဲ့ဖူးပါပြီ။
ဘာမျှ မယ်မယ်ရရ မရှိခဲ့ပါဘူး၊
အသိဥာဏ်တိုးပြီး လူဖြစ်ကျိုးနပ်တယ် ဆိုလို့
တော်သေးတာပေါ့။

တခြားပစ္စည်းတွေကို ရောင်းလိုက်ရင်
အရှုံးမဟုတ်ရင် အမြတ်ရသေးတယ်။
စိတ်ချမ်းသာမှုကို ရောင်းစားရင် အရှုံးနဲ့ပဲ ရင်ဆိုင်ရမယ်။
စိတ်ချမ်းသာမှုကို ဘာနဲ့မျှ ရောင်းမစားပါနဲ့။

ကောင်းတဲ့အလုပ်ဟာ နောက်ကျတယ်ဆိုတာ မရှိပါဘူး။
လုပ်ငန်း မစ ရသေးတာပဲရှိတယ်။

“ဘေး” ကို ကြည့်လွန်းအားကြီးရင် “ဘေး” တွေ့တတ်တယ်။

ဖြစ်ချင်တာကို ဦးစားပေးခဲ့လွန်းလို့ ဖြစ်နိုင်တာတွေပါ ဆုံးရှုံးလိုက်ရပြီ။
ဖြစ်နိုင်တာကိုသာ ဦးစားပေးရင်
ဖြစ်ချင်တာတွေပါ အားလုံးဖြစ်လာမယ်။

လုပ်သင့်တာကို မလုပ်မိရင်
မလုပ်သင့်တာတွေ လုပ်မိနေတတ်တယ်။

“အစစ်” မဟုတ်သေးရင် “အတု”လိုက်ရင်းနဲ့ တူပြီး အစစ်ဖြစ်သွားတတ်တယ်။
ကောင်းတာကို အတုလိုက်ရင် ကောင်းတာဖြစ်တယ်။
ဒီလိုနားလည်ရင် မကောင်းတာကို အတုမလိုက်နဲ့။
အထွဋ်အထိပ်ကို ရောက်သွားသူတိုင်း
အခက်အခဲကို ရင်ဆိုင်ခဲ့ရတာတွေချည်းပါပဲ။

ကောင်းတာကို နားလည်သလောက် လုပ်စမ်းပါ။
အလုပ် လုပ်ရင်းနဲ့ နားလည်လာလိမ့်မယ်။
သိသလောက် ကျင့်၊ ကျင့်သလောက် သိလာလိမ့်မယ်။

ကိုယ်ကကြိုက်လို့ ကောင်းတာ ထက်၊
ကောင်းတာမိုလို့ ကြိုက်တာဆိုရင် အကောင်းဆုံးကို ရနိုင်တာပေါ့။

အခက်အခဲဆိုတာ -
ဥာဏ်နုံ့သူအတွက် ဘ၀တစ်ခုလုံး ကျိုးပျက်သွားတတ်ပေမယ့်
အသိဥာဏ်ရှိသူအတွက် ဘ၀ကြီးတစ်ခုလုံး တိုးတက်သွားနိုငတယ်။

လုံ့လရှိသူက လက်ရုံးအားကိုး---
ကြင်နာတတ်သူက နုလုံးသားနဲ့ စဉ်းစား ---
စည်းကမ်းရှိသူက ကိုယ်ကျင့်တရား လက်ကိုင်ထား ---
အသိဥာဏ်ရှိသူက ဦးနှောက်နဲ့ ဆုံးဖြတ် ---
မြင့်မြတ်သူက အမှန်တရားပေါ် ရပ်တည်။

ဆုံးဖြတ်ရဲသူကို ဇွတ်တရွတ်ဆန်တယ်။
ချင့်ချိန်တတ်သူကို သူရဲဘောကြောင်တယ်။
ရက်ရောသူကို လက်ဖွာတယ်။
စည်းကမ်းနဲ့ပေးသူကို ကပ်စေးနည်းတယ်။
ဦးဆောင်နိုင်သူကို နေရာယူတယ်။
ကျွမ်းကျင်သူကို နေရာယူတယ် လို့ အထင်မလွဲပါနဲ့။

ပြဿနာဆိုတာ လောကရဲ့ ဂုဏ်ပုဒ်တစ်ခုပါ။
ကိုယ်နဲ့သိပ်မဆိုင်ရင် ပြဿနာက သေးတယ်။
များများဆိုင်ရင် ပြဿနာက ကြီးလာပြီ။
လုံးဝမဆိုင်ရင်တော့ ပြဿနာ မရှိတော့ပါဘူး။

အော်- မကောင်းလိုက်တာက လောက၊
အမြဲတမ်း ကောင်းနေတာက အသိဥာဏ်။