Wednesday, July 29, 2015

သမ္မတကြီး ၊ ဇေရ


သမ္မတကြီး

*******
ရေဒီယိုထဲကထွက်ကျလာတဲ့
သမ္မတကြီးရဲ့မိန့်ခွန်းအကျိုးအကြေတွေကောက်ပြီး
ဘုရားပန်းအိုးမှာထိုးလိုက်တယ်
ပွင့်လာတဲ့ပန်းတွေက
"မိဘပြည်သူများခင်ဗျား"
သိပ်မကြာပါဘူး ကြွေကျကုန်တယ် ။

နားလည်ပါတယ်
သမ္မတကြီးတို့မှာ
အဆင်းရခက်တဲ့လှေခါးတွေရှိနေတယ်
ကျွန်တော်တို့ဘက်မှာလည်း မတ်စောက်လွန်းလှပါတယ်
နှုတ်ခမ်းအပဲ့အရွဲ့ကတိတွေကြားမှာ
အပြစ်မဲ့သန်း၆၀
ကြယ်ကြွေသလိုကြွေကျပေးရ
ထားလိုက်ပါ
သမ္မတကြီးတို့ခေါင်းမငုံ့ချင်သေးသလို
ကျွန်တော်တို့လည်းခေါင်းမမော့နိုင်သေးပါဘူး
သမ္မတကြီနဲ့အတူ လက်ဖက်ရည်သောက်ခွင့်ရခဲ့မယ်ဆိုရင်
သမ္မတကြီးလက်ဖက်ရည်ခွက်ထဲ
အကျရည်များများထည့်ပေးချင်ပါတယ်
အချိုအဆိမ့်တွေက သမ္မတကြီးတို့အတွက်
ရိုးအီနေတဲ့အစားအစာဖြစ်နေလောက်ရောပေါ့
ကျွန်တော်တို့နေ့စဉ်သောက်နေရတဲ့
အခါးရည်ကိုသုံးဆောင်ကြည့်ပါ
ပြီးရင်
ကျွန်တော်တို့ထိုင်နေရတဲ့
ခွေးခြေခုံအပုတွေအကြောင်း ပြောပြမယ်
ဘ၀တစ်ခြမ်းမြေကြီးထဲကျွံနစ်ဝင်နေတဲ့
ပြည်သူဆိုတဲ့ လူတွေအကြောင်းပြောပြမယ်
ကျွန်တော်တို့တွေ လူတန်းစေ့အိပ်မက်ဝေးနေတဲ့အကြောင်း၊
လူ့အခွင့်ရေးဆိုတာနားမလည်လို့မေးမယ်
သမ္မတကြီးမျက်လုံးပေါက်တွေပိတ်သွားအောင် ရယ်နေမှာပေါ့
ဟုတ်ကဲ့ ကျေးဇူးတင်ပါတယ်သမ္မတကြီး

"မိဘပြည်သူများခင်ဗျား" မပါတဲ့
ရေဒီယိုတစ်လုံးလောက်ပေးပါ ။

                                                           ဇေရ




Tuesday, July 28, 2015

လူကြီးမင်း သို့ /. . . မင်းညွန့်လှိုင်


လူကြီးမင်း သို့


ဟေ့လူကြီး
ငိုက်မြည်းလို့ကောင်းတုန်းလား။

ဒီမယ်
အသွေးအသား
ဆီဦးထောပတ်စားပြီး
စည်းစိမ်တော်ယစ်မူးလို့
ပုပ်အဲ့အဲ့အသက်ဓာတ်နဲ့
ခင်ဗျားတို့
အိပ်ငိုက်မနေကြလေနဲ့။

ကမ္ဘာမြေတဖက်စောင်းနင်းဖြစ်မှုမှာ
ခင်ဗျားတို့ပယောဂမကင်းဘူး
ငြင်းမလား။

ခင်ဗျားတို့အမည်စာရင်းက
မြေလွှာကိုဖောက်
ငရဲပြည်ထိရောက်နေပြီ။

ကျုပ်တို့
ဂျွန်လင်နွန်ကို ချစ်တယ်
လူကြီးမဟုတ်လို့။

ကျုပ်တို့ကြိုက်တဲ့ဂီတ
ခင်ဗျားတို့မကြိုက်တာ
ကျေးဇူးပါဗျာ။

ခင်ဗျားတို့ထုတ်လုပ်တဲ့
မိုးချုန်းသံက
ကျုပ်တို့အဖို့
အကြောလျှော့စရာ
အကောင်းဆုံးပြက်လုံးပဲ။

ကျုပ်တို့ရဲ့ဆံပင်ဟာ
ကျုပ်တို့ရဲ့အလံတော် ။

ကျုပ်တို့ဆံပင်တွေရိတ်သိမ်းဖို့
ဘယ်တော့မှမကြိုးစားလေနဲ့ ။

ကျုပ်တို့အိပ်မက်တွေ ခုတ်ထစ်ဖို့
ဘယ်တော့မှမကြိုးစားလေနဲ့ ။

ကျုပ်တို့ရင်ဘတ်မှာ
ထိုးထားတဲ့ဆေးမှင်ကြောင်က
ဘယ်တော့မှမသေတဲ့
ချေဂွေဗားရား။

ကျုပ်တို့ရဲ့အသံတော်ဟာ
အင်တာနေရှင်နယ်သီချင်း ။

ကျုပ်တို့ဟာ သန်းပေါင်းများစွာ
ကျုပ်တို့ဟာ ကမ္ဘာကြီး။

ခင်ဗျားတို့
ဓားတွေလည်း ကျိုးခဲ့ပြီးပြီ
ခင်ဗျားတို့
လှံတွေလည်းခွေခဲ့ပြီးပြီ
တနေ့
ကျည်ဆန်တွေလည်း ပန်းအိုးဖြစ်ရမယ်။

ကျုပ်တို့
နွေဦးပေါက်မှာ
ကောက်ရိတ်ပွဲတော် ဆင်နွှဲနိုင်ရမယ်  ။        ။

                                            မင်းညွန့်လှိုင်






မင်းညွန့်လှို

Saturday, July 25, 2015

ငါတို့ခေတ်ထဲ ရေတွေကြီးလို့ ၊ မောင်သော်တာ


ငါတို့ခေတ်ထဲရေတွေကြီးလို့

____________________
သူငယ်ချင်း မင်း ပျော်ရဲ့လား
ဒီဂျေပွတ်သံထဲမှာအကုန်လန်ထွက်နေပြီ/မင်းကြည့်လိုက်
မီးရောင်ပြာလဲ့လဲ့ဟုန်းဟုန်းထ
သူ့ကိုငါမသိ/ငါ့ကိုသူမသိလည်းညှိလို့ရရင်ငြိလို့ရတယ်/မင်းကြည့်လိုက်
ဖိုးလမင်းကိုအောင်သွယ်ခိုင်းခဲ့ရတာလွမ်းစရာ
မအိပ်သေးတဲ့ဟန်းဆက်တွေlineပေါ်မှာလိုင်းဆန်ဆန်/မင်းကြည့်လိုက်
အသံထဲမှာသံဝါသပြုလို့/အဝေးကလှမ်းကလိ'နေတဲ့အရေပြားတွေ/မင်းကြည့်လိုက်
တခါက'အဝေးပြေးကားဆရာတွေရဲ့ဟာသလို"လမ်း/လိုင်း ပေါ်မှာလင်ယူသားမွေးကလေးတစ်ဒါဇင်ပါမောင်
တကယ်ဆို
မီးနဲ့ရေ ပြုပြင်ခဲ့တဲ့ကမ္ဘာကြီး
တညီးညီးတသွင်သွင်တောက်လောက်စီးဆင်းနေဆဲပဲ
မင်း
ပျော်မှာပါ
ဒီဂျေခေတ်ကြီးထဲ ဒီမီးတွေ
ဒီဂျေခေတ်ကြီးထဲ ဒီရေတွေ
မင်းကြည့်လိုက် သူငယ်ချင်း
လန်းထွက်နေတဲ့အဝတ်အစားတွေ/ဖက်ရှင်တွေ/စိတ်ဓာတ်တွေထဲညပ်ပါသွားတဲ့ခေတ်ကြီး
တံတားတွေမိုင်းနဲ့မချိုးဘဲအစင်းစင်းကျိုးလို့ရတယ်
လေယာဉ်ပြေးလမ်းတွေချော်ထွက်သွားသလိုအမြန်နှုန်းနဲ့ပြေးဆောင့်လို့ရတယ်
စကားအသုံးနဲ့ပြောရရင်
အားလုံး/ဆရာကြီးတွေပဲ
အထာနဲ့သမ္ဘာနဲ့တဏှာနဲ့
ဆာနေတဲ့လျှာကြီးနဲ့lineကိုမဆန့်မပြဲဆွဲဖြဲနေတယ်/မင်း/ကြည့်/လိုက်
မင်းအတွက်ဒီခေတ်ကြီးထဲပုန်းစရာရှာလို့တွေ့မလား
ပြေးစရာလမ်း'တော့မရှိဘူးသူငယ်ချင်း
စိတ်ချပါ
ရဲတွေ
ွနောက်ကျမှရောက်လာလိမ့်မယ်
____________________
မောင်သော်တာ

ပြောဇာတ် ၅ ၊ ရန်လင်းအောင်


ပြောဇာတ် ၅

________________________
ဘယ်ရပ်ဘယ်ရွာရောက်ရောက်
သူ့ဝန်တင်မြည်းကိုခြင်္သေ့အရေခြုံပေးပြီး
နီးရာလယ်စိုက်ခင်းထဲလွှတ်ကျောင်းထားတတ်တဲ့
ကုန်သည်တယောက်ဟာ ……
သူလည်း အထာကျ သူ့မြည်းလည်း အစာဝ
ခြသေ့င်္ထင်ပြီး လယ်သမားတွေအနားမကပ်ရဲလို့
အရေခြုံနဲ့ ဟန်ကျနေတာ ကြာပေါ့ ။

ဒီလို လုပ်စားရင်းနဲ့
ရွာတရွာအရောက်မှာ လယ်စောင့်တွေက
အရေခြုံမှန်းမသိ ခြင်္သေ့ထင်ပြီး ကြောက်ကြောက်နဲ့
ရွာပြန်ပြေး လူစု လက်နက်စု
ညာသံပေးဝိုင်းလိုက်ကြတော့
လန့်ဖျန့်ပြီးအော်ပြေးလိုက်တာ
ဘာအရေခြုံခြုံ မူမှမမှန်ဘဲ
မြည်းက မြည်းသံပဲထွက်တာပေါ့  ။

အရေခြုံလည်းကျွတ်ကျ
မြည်းသံလည်း ကြားရတော့
ဘာပြောကောင်းမလဲ လယ်သမားတွေ
အသေဝိုင်းရိုက်လိုက်ကြတာ
ခြင်္သေ့အရေခြုံနဲ့ လယ်စိုက်ခင်းတွေထဲ
မသဒ္ဓါရေစာအချောင်ခိုးစားခဲ့တဲ့မြည်း
ဒီတချီတော့ ပွဲချင်းပြီးပဲ ။ ။

                               ရန်လင်းအောင်
                                 ၁၇ ၇ ၂၀၁၅
                     ဒုကနိပါတ် ၊ အသဒိသဝဂ်
                       သီဟစမ္မဇာတ်တော်ကို
                                 မှီးသည် ။

ခေါင်းစဉ်လဲမရတဲ့ ပုံပြင် ၊ ခက်ဦး


ခေါင်းစဉ်လဲမရတဲ့ပုံပြင်

_______________
ဤကိုကျွဲမဖတ်ရကောင်းလားဆိုပြီး
ပွတ်သီးပွတ်သပ်ချော့ပြောတယ်
ဤကိုကျွဲမဖတ်ရကောင်းလားဆိုပြီး
ခြိမ်းချောက်သံနဲ့ခြေကြိတ်နင်းသတိပေးတယ်
ဤကိုကျွဲမဖတ်ရကောင်းလားဆိုပြီး
မဖတ်ကြလေသူ တော်တော်များများကို
တအားလွှဲလွှဲ ရိုက်တော့တာပဲ
သိပ်မကြာပါဘူး
အလှကြည့်ခံငါးလို နေချင်တဲ့သတ္တဝါတွေ
အို.... ဤ ဖြစ်ဖြစ် ကျွဲဖြစ်ဖြစ်
အလျင်းသင့်သလိုပြောင်းဖတ်ပေးလိုက်မယ်
ဖြစ်သွားပါလေရော
သိပ်မကြာပါဘူး
လူကြီးလူကောင်းဆိုသူများ
ကျွဲပြောင်းဖတ်လို့ဘာဖြစ်သွားတာလိုက်လို့ကွာ
ဖြစ်သွားပါလေရော
တချိန်ထဲမှာပဲ
ပညာတတ်ယောင်ယောင်လူတချို့ဆီက
သမိုင်းအထောက်အထားများအရ
ဤကိုကျွဲဟုပြောင်းဖတ်ခြင်းသည်
တင့်တယ်ကောင်းမွန်ကြောင်းတွေ့ရှိရဆိုတဲ့
သဘောထားလေးကြားရတယ်လို့
ဖြစ်သွားပါလေရော
ဤဟာဤ ကျွဲဟာကျွဲကွ
ဤဟာဤ ကျွဲဟာကျွဲကွ
အံကြိတ် အော်တယ်
ပြတ်ပြတ်သားသား အော်တယ်
အဲ့အသံတွေပိုပိုကျယ်လာတဲ့နောက်
တုတ်တွေလက်တွေဓားတွေလည်း
မြည်သံစွဲ ရုန်းရင်းဆန်ခတ်
ဖြစ်သွားပါလေရော
ဤနဲ့ကျွဲ မခွဲနိုင်အောင်မိုက်မဲပါသဖြင့်
သင်ကြားပြုပြင်ပေးရန် ယာယီထိန်းသိမ်းလိုက်ပါသည်... တဲ့
ဖြစ်သွားပါလေရော
ယာယီဟာ
ကမ္ဘာချီမတတ်ကြာတော့မလိုလို
ဖြစ်သွားပါလေရောလားဗျာ ။
ခက်ဦး
၂၂ . ၇ . ၂၀၁၅

အလွမ်း ၊ မင်းညွန့်လှိုင်


အလွမ်း

မိုးကာအင်္ကျီလေးထုတ်ဝတ်တော့
သူ့မေတ္တာက
ကိုယ့်ကိုလွှမ်းခြုံလာတယ် ။
သူလျှောက်မယ့်လမ်းမှာ
မိုးလေကင်းလွတ်ပါရဲ့လား
ကိုယ့်မေတ္တာ
ထီးလိုမိုးနိုင်ပါစေသား ။      ။

မင်းညွန့်လှိုင်

Sunday, July 19, 2015

၆၈ နှစ်မြောက် အာဇာနည်နေ့ ၊ တောင်ငူမြို့

၆၈ နှစ်မြောက် အာဇာနည်နေ့ ၊ တောင်ငူမြို့

အာဇာနည်ကျောက်တိုင် နှင့်
လွမ်းသူပန်းခွေ များ ………
၆၈ နှစ်မြောက် အာဇာနည်နေ့ ။ တောင်ငူမြို့မြင်ကွင်း

Saturday, July 18, 2015

မသေမြစ် ၊ မင်းညွန့်လှိုင်






မသေမြစ်

အာဇာနည်သွေးဆိုတာ
အေးခဲတယ်မရှိ။

ရာဇ၀င်မြောက်
ရဲရဲတောက် ရင်ခုန်သံနဲ့
နီမောင်းတဲ့ဦးခေါင်းတွေ
သတ်လို့လည်းမသေ
မြှုပ်ပေမယ့်မမြုပ်ပဲ
(ကျုပ်တို့ရဲ့ . . .)
လူထုရင်ထဲအမြဲရှိ     ။             ။

                                   မင်းညွန့်လှိုင်
                               (၁၉-ဇူလိုင်၊ ၂၀၁၂)

အနက်ရောင်နေ့စွဲ ၊ ခက်ဦး


အနက်ရောင်ရက်စွဲ


ဆယ့်ကိုးဂျူလိုင်တဲ့
ဦးစောနဲ့လက်ပါးစေတွေပစ်လိုက်တဲ့ကျည်ဆန်များ                               
ခေါင်းဆောင်ကြီးတွေကိုဖြတ်
တပြည်တရွာလုံးရင်အုံကိုထုတ်ချင်းခတ်
အားလုံးအရုပ်ကြိုးပြတ် လဲကျဖူးတဲ့နေ့ပဲ 

ဆယ့်ကိုးဂျူလိုင်တဲ့
အာဇာနည်ကြီးများနာရေးနဲ့
တပြည်တရွာလုံး သုဿန်တစပြင်လို
ချောက်ချောက်ခြားခြားနှုတ်ဆိတ် 
အံကြိတ် အသံတိတ်
မျက်ရည်တွေယိုဖိတ်ဖူးတဲ့ နေ့ပဲ

ဆယ့်ကိုးဂျူလိုင်တဲ့
အဖ ဗိုလ်ချုပ်အောင်ဆန်း
ဆရာကြီး ဒီးဒုတ်ဦးဘချို ဦးဘဝင်း
ခေါင်းဆောင်ကြီး မန်းဘခိုင် စဝ်စံထွန်း ဦးရာဇတ် ဦးအုန်းမောင် ရဲဘော်ကိုထွေးတို့ရဲ့သားမြေးများအတွက်
ရွှေတောင်ကြီးတွေ လဲမဆုံးတဲ့နေ့ပဲ

အဲဒီ့ဆယ့်ကိုးဂျူလိုင်ဟာ
ပြက္ခဒိန်​ပေါ်က ဆုတ်ဖြဲမရ
သမိုင်းဒဏ်ရာ ပြန်ပြန်ပြတဲ့နေ့ပဲ

အဲဒီ့ဆယ့်ကိုးဂျူလိုင်မျိုး
တို့အားလုံးထပ်မလိုချင်တော့ဘူး
တို့အားလုံးထပ်မငိုချင်တော့ဘူး
ဂျူလိုင်မိုးကိုအရောင်ဆိုးတဲ့ရက်စွဲများ
တို့သမိုင်းမှာ ထပ်ရောက်မလာပါစေသား
                 
ကျဆုံးလေပြီးသောအာဇာနည်ခေါင်းဆောင်ကြီးများ....တဲ့
ဒါ မရင့်ကျက်သေးတဲ့သမိုင်းအနာ ဆားထပ်အပက်ခံရတဲ့အသံပဲ
ဒေါ်မေလှမြိုင်ရဲ့ အာဇာနည်နေ့ကိုဖြင့်....တေးသွား
ဒါ ကျောချလှဲမရသေးတဲ့ မပြန့်မပြူးသမိုင်းမွေ့ယာအောက်က ကျောအဖောက်ခံနေရဆဲ ဆူးချွန်ပဲ

နောက်နောင်သမိုင်းမှာ
ကျဆုံးဆိုတဲ့စကား မကြားချင်ဘူး
ရှေ့ဆက်သမိုင်းမှာ
သွေးစက်တွေမတွေ့ချင်ဘူး
ယမ်းခိုးတမျှင်တစ မမြင်ချင်တော့ဘူး
လာမယ့်သမိုင်းမှာ
ရမ္မက်​အာဏာတံစို့ထိုးခံရလို့ ရာဇဝင်ဆိုးနဲ့ကျန်ရတဲ့
ဦးစောလိုလူစား ထပ်မမွေးဖွားစေ့ချင်တော့ဘူး

ပြက္ခဒိန်​ပေါ်က ဂျူလိုင်လဆီ
အဲဒီ့ဆယ့်ကိုးရက် တွားတက်လာတိုင်း
ခါးမှာသေနတ်ချိတ်ရက်သား
လက်ယားနေတဲ့တစ္ဆေတွေ.....
အာဏာဆိပ် ငယ်​ထိပ်​ပေါက်တိုင်း
သေနတ်ဒင်ဆီလက်ရောက်တဲ့ မိစ္ဆာတွေ...
တပ်ရှိန်မတန့်နိုင်ရင်တပ်ဦးဖြိုဖို့ကြံတဲ့
တ​ဇောက်​ကန်း လူသတ်ဝါဒီတွေ....
သည်မြေမှာထပ်မပေါ်ဖို့
သူသူကိုယ်ကိုယ်စိတ်ဆန္ဒညီညီနဲ့ 
သူသူကိုယ်ကိုယ် အရောင်အသွေးညီညီနဲ့
ပန်းစီးတွေတင် ပန်းခွေကိုယ်စီချထား
အနက်ရောင်ခြုံထည်များ
အနက်ရောင်လက်ပတ်များ
ညှိုးချုံးသောနှလုံးသားများနဲ့
ဗိမာန်တော်ကြီးရှေ့မှောက်
ဒီလို နှစ်ထောင့်ဆယ့်ငါးမှာ
ခင်ဗျားတို့ ကျွန်တော်တို့ ........

                                               ခက်ဦး
၁၇ . ၇ . ၂၀၁၅

အာဇာနည် ။ ရန်လင်းအောင်


အာဇာနည်


ငါ့ အဘိုးရဲ့ လက်စွဲကျမ်း
ငါ့ အဖေ ရဲ့ ဖတ်ညွှန်း
ငါ့ ရဲ့ ညကြည့်မျက်မှန်တလက်
ခေတ်အဆက်ဆက်
ကိုးကားပူဇော်ရာ၏
လိပ်ပြာသန့်သန့်
ပုခုံးတွေ ………

                        ရန်လင်းအောင်

Wednesday, July 15, 2015

မန္တလေး တစ်ညနေ ၊ မင်းညွန့်လှိုင်


မန္တလေးတစ်ညနေ


တိမ်ဖြူထွေးထွေး မဆန့်မပြဲနဲ့
အက်ကွဲမတတ် ကောင်းကင်အောက်မှာ။

တစ်လမ်းလုံး
ပေါင်တံဖွေးဖွေး လူးလားလှုပ်ခတ် ၏။

ဆက်တင်အဟောင်းနဲ့ ဇာတ်ကောင်အသစ်
ယိမ်းနွဲ့တဲ့လှိုင်း။

နာရီစင်လေး
ခေါင်းငုံ့ ငြိမ်သက် ရှုမှတ် ပွားများ။

အို.. မန္တလေး
ရတနာပုမ်မန္တလေး
ကျနော်တို့ ရွှေမန္တလေး
သွေးခုန်နှုန်းအသစ်နဲ့
နေကောင်းထိုင်သာရှိပါစ။    

                         မင်းညွန့်လှိုင်



ေ ပြာ ဇာ တ် - ၄ - ရန်လင်းအောင်


ေ ပြာ ဇာ တ် - ၄


ရှင်လူအများရဲ့
မျက်လုံးထဲဝင်နေတဲ့ အမှိုက်သရိုက်လို
ထမင်းထဲပါလာတဲ့ ကျောက်စရစ်ခဲလို
ဖနောင့်ထဲစူးဝင်နေတဲ့ ဆူးငြောင့်လို
ရှင်ဒေဝဒတ်ရဲ့အတိတ်ဇာတ်ရုပ်ဟာ
ကြံကြိတ်စက်နဲ့ကြံညှစ်သလို
လူထုကိုဗိုလ်ကျစိုးမိုးတဲ့ မဟာပိင်္ဂလမင်းဆိုပဲ ၊

ဒီမင်းယုတ်ကြီးသေတော့
တပြည်လုံခြိမ့်ခြိမ့်သဲပျော်ပွဲဆင်နေသလောက်
တံခါးမှူးကြီးက ကျူကျူပါအောင် ငိုရှာသတဲ့ ၊

ဒါနဲ့ ဘုရားလောင်းမင်းသား အမေးမှာ သူဖြေတယ် ၊
ဒီ မင်းစုတ်မင်းပြတ် သေလို့ငိုတာမဟုတ်
နန်းတော်ပြာဿဒ် အဆင်းအတက်တိုင်းမှာ ရှစ်ချက် ရှစ်ချက် သူ့ဦးခေါင်းကို
တူနဲ့ထုသလို ထုရိုက်နှိပ်စက်တတ်တဲ့ ဒီဘုရင်
ငရဲရောက်လို့ ငရဲသားတွေကိုပါ
ဦးခေါင်းလိုက်ထုနေမှဖြင့်
အတော်နှိပ်စက်တဲ့ ဒီဘုရင်
ငရဲထိန်းကတောင် ကြောက်ကန်ကန်
ဒီနန်းတော်ထဲ ပြန်လွှတ်လိုက်မှာ စိုးလို့တဲ့
ပြန်လွှတ်လိုက်မှာ စိုးလို့တဲ့ ။ ။
     
                                    ရန်လင်းအောင်
                        ဒုကနိပါတ် ၊ ဥပါဟနဝဂ် ၊
                          မဟာပိင်္ဂလဇာတ်တော်
                                 ကိုမှီးသည် ။

Monday, July 13, 2015

သ မို င်း - ခ က် ဦး


သ မို င်း

.…………

ညင်သာချက်က
ချိုးကွေ့ရင်တောင်
အသံတချက်မထွက်ဘူး

ပြုတ်ကျလာမယ့်
အညှာလွယ်မိုးကြိုးများ
အပူအပုပ်များများစဉ်းလဲသူဆို
လူမရွေးဘူး ။  
       
                               ခက်ဦး  
                         ၁၂ . ၇ . ၂၀၁၅

Friday, July 10, 2015

သတင်းစာနဲ့တောကဗျာဆရာ ၊ မောင်နီမွန်


သတင်းစာနဲ့တောကဗျာဆရာ

___________________

သာရေးဖြစ်စေ နာရေးဖြစ်စေ
ဗိုလ်တထောင် မဖတ်ချင်ဘူး
ငါတို့နဲ့တသားတည်းကျ
လူထု ကိုပဲလွမ်းတယ် ။

မောင်နီမွန်
၁၀ . ၇ . ၂၀၁၅

Thursday, July 9, 2015

ပ န်း သ ည် ။ မင်းညွန့်လှိုင်

ပ န်း သ ည်

_________

ဇွန်ပန်းယူဦးမလား  ဇွန်ပန်း …

ဇွန်ပန်းယူဦးမလား  ဇွန်ပန်း …

ဝယ်ဝယ်မဝယ်ဝယ်
အာကာသငယ်တစ်ခု
သူ့ရနံ့နဲ့မွှေးစေတယ် ။          ။

မင်းညွန့်လှိုင်

Wednesday, July 8, 2015

ငိုတဲ့လ ။ ခက်ဦး


ငိုတဲ့လ


အာဏာနဲ့ညို့တဲ့
စိတ်မုတ်သုန်တွေမုန်ယိုခြင်းမှာ
ကျည်ဆန်တွေအဆင်ခြင်မဲ့မဲ့
ပြန့်ကျဲပေါက်ကွဲသွားတော့တယ်

မီးကုန်ယမ်းကုန်စွန့်သွားကြ
အာဇာနည်များ . . . . ,

ငါတို့အားလုံး
အကုန်စွန့်လိုက်ရတယ်

အဲဒီ့လ ဂျူလိုင်ဟာ
အဲဒီ့တိမ်တွေညိုလို့ .....
ရွှဲရွှဲနစ်သိမ့်သိမ့်စို
နှစ်တိုင်းနင့်အောင် ငိုရတယ် ။

ခက်ဦး
၅ . ၇ . ၂၀၁၅

Tuesday, July 7, 2015

လက်ပုပ်ကြီး ။ မင်းညွန့်လှိုင်


လက်ပုပ်ကြီး


အိပ်မက်ထဲအထိ
သွေးညှီနံ့စွဲနေတဲ့လက်တွေ
သန်းခေါင်ထက်တောင်မှောင်တဲ့လက်တွေ ။
လက်နက်အားကိုး
လက်ကိုင်တုတ်တွေ
လက်ဆုပ်မဖြေကြသေးပါလား ။
ကြွက်ချေးလိုလိုလက်တစ်ဆုပ်စာ
ငါးပုပ်လိုလိုလက်တစ်ဆုပ်စာ
စိတ်ပါလက်ပါကိုယ်ထိလက်ရောက်
မျက်လှည့်လက်လှည့်လက်ခမောင်းခတ်
လက်ခုပ်လက်ဝါးတီးလို့ပေါ့ ။
လက်သမိုင်းမှာ
အရိုင်းကမ္ဘာထဲကခွဲထွက်လာတဲ့လက်
ယဉ်ကျေးမှုကိုပြုစုလာတဲ့လက်
သစ္စာတရားကိုဖြန့်ကြဲလာတဲ့လက်
လက်နဲ့ရေးတဲ့ကောင်းခြင်းအဖြာဖြာ
သင်းတို့လက်ထက်ရာက်ကာမှ
ခြေနဲ့ဖျက်ကြပါရောလား ။
အုန်းသီးပေါက်ထဲလက်နှိုက်
လက်အံသေပစေ
လက်ဆုပ်မဖြေတဲ့မျောက်
အသက်ပျောက်ရသလိုမျိုး
အဓမ္မအလွန်တစ်ဘူတာ
နောက်စာမျက်နှာကနာရေးသတင်း
တစ်ချက်ကလေးမှလှန်လှောမကြည့်နိုင်ရှာ
ကရုဏာတရားနဲ့မထိုက်တန်တဲ့
အစိမ်းပုတ်ရောင်လက်ချောင်းများ ။         ။

မင်းညွန့်လှိုင်

Monday, July 6, 2015

7JULY ရန်လင်းအောင်



7JULY
_________
သွေးစိမ်းတွေ
သွေးစိမ်းတွေ
သွေးစိမ်းရှင်ရှင်တွေ
ယုတ်ကန်းမှုတွေကို
သွေးလန့်စေဖို့
သွေးကြောင်မှုတွေကို
သွေးသန့်စေဖို့
လတ်လတ်ဆတ်ဆတ်ကြီး
လတ်လတ်ဆတ်ဆတ်ကြီး
လတ်လတ်ဆတ်ဆတ်ကြီး ရှိဆဲ
သွေးမြဲသွေးဆဲ

သွေးနီးရင် နားမဝေးဘူး
၇  .  ၇ .   ၆၂
မေ့ရင်
အသေပဲ ။              ။

             ရန်လင်းအောင်