Tuesday, February 23, 2016

သုခုမ - ရန်လင်းအောင်



သု ခု မ

____________________

ရမလားလို့
စောင်းတစ်လက်လုံး
မွမွခြေ ။

စောင်းသံရယ်လို့
မတွေ့ရ ။               ။

          ရန်လင်းအောင်


           ၂၃ ၂ ၂၀၁၆

လေးကျွန်းမြေ ကဗျာများ - အမှတ် - ၁






here download -
https://www.dropbox.com/s/wywp0yohdt03qky/poem%20of%20the%20fourisland.pdf?dl=0

မီးခိုးရောင် သက်တံ - တင်မင်းထက်



မီးခိုးရောင် သက်တံ

______________________

သက်တံဟာ မီးခိုးရောင်
အနုအရင့် -

အနီ အပြာ အဝါ
အခြေခံအရောင်တွေက အစ
မမြင်ရတဲ့ ခေတ်တွေ … …

စာကြည့်တိုက်
ပန်းချီပြခန်း
ကလေးကစားကွင်း
ဒုတိယအရောင်တွေ … … …

တောက်ပဖို့
ကျောက်တုံးချင်း မီးခတ်
နေကြဆဲ နေ့တွေ …… … …

တင်မင်းထက်

သတိရခြင်း - မြန်ဟိန်း



သ တိ ရ ခြ င်း

________________________

အထီးကျန်ခြင်းဟာ
လ မ်းေ ပါ် မှာ … …

မင့်လက်သည်းကြားဝယ်
နှလုံးသား တဆတ်ဆတ်ခုန်စဉ်
ပုံပြင်ဟာပုံပြင်ပါပဲ … … …

တစ်လုံးတည်းသောကျောက်ခဲဟာ
မီး,ထမပွင့်နိုင်ရိုးအမှန် - - - - -  

မြ န် ဟိ န်း

ဘိုးဘွားအမွေ - အိဖြူ




ဘိုး ဘွား အေ မွ

______________________________

အမေလေ
ဒီအကြောင်းပြောရင် မျက်ဝန်းတွေတောက်လို့
နင်တို့ အဘိုးက
ရွာမှာသူဋ္ဌေးတဲ့
လယ်ပိုင် ယာပိုင် နွားပိုင်ဆိုပဲ
နားထောင်ကောင်းတဲ့ ပုံပြင်တွေပေါ့
အမေညာတယ်
တို့ဟူးကြိုလို့ အသားမာတက်
အမေ့လက်တွေ
မမြင်ချင်တဆုံးလေ
စိန်ပွင့်လေးနှစ်လုံး ဖျိုးဖျိုးဖျတ်လို့
မီးခိုးမှိုင်းကြားက လက်နှီးစုတ်လေးပေါ်မှာပေါ့
ဝါးကြမ်းခင်းပေါ်ကနေ
ရွှေထီးကလေးကို လည်ပြန်ငေးနေလေရဲ့
ဆိုင်နေရာလေးမြဲဖို့ပဲ
ဆုတောင်းရအောင်ပါအမေ
အဖိုးရဲ့ အမွေက
အဖေ့ကို ခြေတိုစေတာတဲ့လား
ထီးဖြူ ပြီး ဖိနပ်ပါးလည်း
ရလာဒ်က ဝင်းခတ်ကုန်ပြီ
ဟီးလို့ပါ ဗျာ
အမေ့အိပ်မက်တွေ
ညီမလေး ကျောင်းစရိတ်နဲ့
မောင်လေးအလှူ လေ
အဆောက်အဦးတွေဖြစ်ကုန်ပြီဗျ
လျော်ကြေးလေးရရင်
အဖိုးရည်စူး အလှူပေးဦးမတဲ့
လိုက်လေ ဝေးလေဘဝတွေမှာ
ခွေးဖြစ်တာတောင်
မျှော်စရာ ဆင်မရှိခဲ့ဘူး
ကဲပါ … အမေရယ်
တောင်သူမဟုတ်ပေမယ့်
ဓာတ်တူ နာမ်တူ
တုိ့ဟူးလေးပဲ ရောင်းပါဗျာ
အိပ်ပျော်ရင်းအမေပြုံးနေရှာတယ်
မှိုင်းညှော်ဝနေတဲ့
မဲပြောင်ပြောင် မျက်ခွံအောက်က
မျက်လုံးလေး လှုပ်လို့
သူ့အိပ်မက်ထဲ
တပ်ပိုင်ဝင်းကြီးကို
ထွန်ယက်လို့ပျိုးကြဲနေရော့လား … …

အိဖြူ