Sunday, November 24, 2013

ရတုမြေ ကဗျာပြပွဲ (၅)



ဒီရေ

ဒီမြစ်ပျံသန်းနေလိုက်ပုံနှယ်
ကမ်းပါးအတောင်ပံတွေ စုတ်ပြတ်လို့
သူဖြိုချခဲ့တဲ့လမ်း
နောက်တစ်ကြိမ်မဖြတ်သန်းတော့ပါဘူးတဲ့ ။

ဟော့ဟိုက ပင်လယ်အော်သံ
သူငုပ်လျိုးရပေတော့မယ်
နောက်တစ်ကြိမ်
နောက်တစ်ကြိမ်နဲ့
ပင်လယ်ဆီက အကြိမ်ကြိမ်ပြန်လာခဲ့တာ
သူမဟုတ်တော့ပြန်ပါဘူးတဲ့ ။              ။

                                                       ဒဿနေမင်း
                                                   ရတုမြေ မဂ္ဂဇင်း
                                    အတွဲ   ၁။ အမှတ် ၁  ။ဒီဇင်ဘာ၊ ၂၀၁၃ ။




ကဗျာဆရာမြို့

နတ်သျှင်နောင်တစ်ယောက်
သစ္စာဖောက်မဖောက်
အကြောက်အကန်ငြင်းတဲ့အထဲ
ငါမပါဘူး . . . .
ငါတို့ကဗျာဘဏ်တိုက်ထဲ
နတ်သျှင်နောင်ရဲ့ ရတုတွေ လတ်ဆတ်ဆဲပါပဲ ။

သူမြတ်နိူးတန်ဖိုးထားရတဲ့
ဓါတုကလျာမပါရင်
နတ်ပြည်တောင် မသွားချင်တဲ့ကဗျာဆရာ ။

ဓားတစ်လက် ကလောင်တစ်ဖက်
လွမ်းရေးခက်တဲ့ကဗျာဆရာ ။

နတ်သျှင်နောင် ရဲ့ လွမ်းရတုတွေ
ကေတုမတီ ကောင်းကင်မှာ
ရှင်သန်တောက်ပနေဆဲပါပဲ ။

နတ်သျှင်နောင်
ကဗျာရေးတာတစ်ခုနဲ့ပဲ
ကေတုမတီ တောင်ငူသား
ငြင်းမရအောင်
ဂုဏ်သရေရှိခမ်းနားခဲ့ပါတယ် ။         
    အောင်ဘညို
    ရတုမြေ မဂ္ဂဇင်း
                       အတွဲ   ၁။ အမှတ် ၁  ။ဒီဇင်ဘာ၊ ၂၀၁၃ ။



     







သွေးပေါင်ကျဆင်းခြင်း

ဟောဒီ
အုတ်အရောရော ကျောက်အရောရော
ရေပေါလော ဆီပေါလောတွေကြား
ငါဘယ်လိုဆက်ပြီးနေရပါ့ 
လူမေးသူမေးများလှတဲ့
လမ်းဘေးဓာတ်တိုင် ဖန်းသီးကလေးကမှ
လူရာသူရာဝင်နေသေး ။

အလို
တခါကဆို ဒီကောင့်ရင်ခုန်သံ
တိမ်နံရံထိမှန်
ပြန်ကျ
အဲဒီကတည်းက
ဘ၀တစ်သက်စာ ဖူလုံခဲ့ပြီးသား ။

ညည
ကိုယ့်ရင်ဘတ်ပေါ် ခြေစုံပြန်ရပ်
လောကတစ်ခွင် လှစ်ခနဲကဲကြည့်လိုက်တော့
ရိတ်သိမ်းထားရ မျက်ရည်စတွေ
ဝေေ၀ဆာဆာ ဖူးပွင့်လို့ပါလား ။

တစ်စတစ်စ နဲ့
နှလုံးသားကို ဖဲ့ဖဲ့ကျွေးရင်း
ချစ်သူတွေ ပိုထွားလာတာမြင်ရပြန်တော့
အလိုလိုကြည်နူးနေမိ ။

အဲ့သလို ပီတိတွေဝေဖြာပေမယ့် . . .
နေထွက်လာပေမယ့် . . .
နံနက်ခင်းစစ်စစ်တွေက
ငါ့ကော်ဖီခွက်ပေါ် မမြင်ရ ။              

       ကြည်လွမ်းမောင်
               ရတုမြေ မဂ္ဂဇင်း
                    အတွဲ   ၁။ အမှတ် ၁  ။ဒီဇင်ဘာ၊ ၂၀၁၃ ။