Thursday, June 25, 2015

စား ကြွ င်း


စား ကြွ c်း
_________

ငလျင်ကြီးတွေထဲက
ကျကျန်ခဲ့တာ
မြစ်ရေကြီးမှုတွေထဲက
ကျကျန်ခဲ့တာ
အဓိကရုဏ်းတွေထဲက
ကျကျန်ခဲ့တာ
မီးတောက်မီးလျှံတွေထဲက
ကျကျန်ခဲ့တာ
ပြာပူတောထဲက
ကျကျန်ခဲ့တာ
အူအသည်းဗြောင်းဆန်မှုတွေထဲက
ကျကျန်ခဲ့တာ
အာဏာရူးတွေလက်ထဲက
(မတော်တဆ) ကျကျန်ခဲ့တာ
မျိုးတုန်းသတ်ဖြတ်မှုတွေထဲက
ကျကျန်ခဲ့တာ
ဓါးကို ဓါးချင်း
လှံကိုလှံချင်းဆိုတာတွေထဲက
ကျကျန်ခဲ့တာ
ဘယ်တော့မှ
မိုးပေါ်ထောင်ပစ်ဘူးဆိုတာတွေထဲက
ကျကျန်ခဲ့တာ
အသက်ရှူသံ
ဖိတ်တစ်ဝက် စင်တစ်ဝက်နဲ့
ကျကျန်ခဲ့တာ
မကြံကောင်းမစည်ကောင်းတွေနဲ့
ကျကျန်ခဲ့တာ
မကြံတတ်မစည်တတ်တွေနဲ့
ကျကျန်ခဲ့တာ
ကျကျန်ခဲ့တာ
အမှိုက်လိုလို ဒိုက်လိုလို
ကျကျန်နေခဲ့တာ
တူလိုလို ပေလိုလို
ဂုဏ်လုပ်ရခက်၊ တုန်လှုပ်ရခက်
ကျကျန်နေခဲ့တာ …………

                       ရန်လင်းအောင်

Saturday, June 13, 2015

ကဗျာဆရာအောင်ဘညို ဈာပနသတင်း

ကဗျာဆရာအောင်ဘညို ၏ သမီး နှင့် သား

ဆရာ အောင်ဘညို ဈာပနအား ရေဝေးသုဿာန်တွင် ပြုလုပ်ခဲ့
ဦးမောင်မောင်ဇော် (ကဗျာဆရာ အောင်ဘညို) သည် ၁၀-၆-၂၀၁၅ နေ့ နံနက် ၁၀ နာရီ ၁၀ မိနစ်ခန့်တွင် ကွယ်လွန်သွားရာ သူ၏ ဈာပနကို ၁၂-၆-၂၀၁၅ နေ့တွင် ရေဝေးသုဿာန်၌ ညနေ ၄ နာရီတွင် ကျင်းပပြုလုပ်ခဲ့သည်။  ကဗျာဆရာအောင်ဘညိုကိုချစ်ခင်သော ရန်ကုန်၊ မန္တလေး၊ တောင်ငူ နှင့် အနယ်နယ်အရပ်ရပ်မှ ကဗျာဆရာများ၊ စာရေးဆရာများ၊ ကာတွန်းဆရာများ၊ ပန်းချီဆရာများ ၊ အနုပညာနှင့် နိုင်ငံရေးအသိုက်အဝန်းမှပုဂ္ဂိုလ်များ မြောက်များစွာ ကဗျာဆရာ၏ နောက်ဆုံးခရီးကို လိုက်ပါပို့ဆောင်နှုတ်ဆက်ကြသည်။ 
ကဗျာဆရာ အောင်ဘညိုကို မန္တလေးလှည်းတန်းတွင် မွေးဖွားခဲ့ပြီး မရမ်းခြံ၊ ဧရာဝတီမြစ်ကြီးဘေးကြီးပြင်းခဲ့သည်။ မူလ တန်းကို ဦးဘညွန့်ကျောင်း၊ အထက်တန်းကို ပွဲကုန်းကျောင်းတွင် ပညာသင်ကြားခဲ့သည်။ သူရဲ့ ပထမဆုံးကလောင်အမည်မှာ နွေသစ်မင်းဖြစ်ပြီး ၁၉၈၅ တွင် နွေသစ်မင်း၊ မင်းထက်ချစ် နှစ်ယောက်တွဲပြီး ရင်ခုန်နေ သော လက်များ ကဗျာစာအုပ်ထုတ်ဝေခဲ့သည်။ ၁၉၈၆၊ ၁၉၈၇ တွင် အောင်ဘညိုကလောင်အမည်ပြောင်းခဲ့သည်။ ၁၉၈၇ တွင် “ငယ်ငယ်တုန်းက ဒေါင်းဖတ်စာ ” ကဗျာစာအုပ်ထုတ်ဝေခဲ့သည်။ ရန်ကုန် လှည်းတန်း ဦးထွန်းလင်းခြံလမ်းအဆောင်တွင် ကိုမုတ်သုန်၊ ကာတွန်းဝင်းအောင်တို့နှင့် အတူနေခဲ့သည်။ ပိတောက်ပွင့်သစ်၊ ရုပ်ရှင်တေးကဗျာ၊ ဟန်သစ်၊ ရွှေဝတ်ရည် စသည့်မဂ္ဂဇင်းများတွင် ဂီတဆောင်းပါးများ ရေးသားခဲ့သည်။ ၁၉၉၁/၉၂ တွင် ကမ်းလွန်လေ ကဗျာမဂ္ဂဇင်း၊ ၁၉၉၄ တွင် ပန်းနုရောင်ဆံပင်များ၏ ချည်တိုင် စုပေါင်းကဗျာစာအုပ်၊ ဧကစာ မီးခိုးများ လေးယောက်တွဲ၊ တကိုယ်တော်အနေနဲ့ အသံတူအရောင်များ၊ ငါးဆယ်/ငါးဆယ် ထုတ်ဝေခဲ့ပြီး ၂၀၁၃ တွင် ကမ်း လွန်လေ ကဗျာမဂ္ဂဇင်းပြန်လည်ထုတ်ဝေခဲ့သည်။ ကလောင်ခွဲများမှာ မောင်ဇော်၊ မိုဟန်ဂျိုနာ၊ မာဆိုး၊ သားဥ၊ ဝေယံမင်းညို၊ တင်မိုးမြိုင် ဖြစ်သည်။

Friday, June 12, 2015

အမှတ် ၅၄ အဆန်ရထား


အမှတ် ( ၅၄ ) အဆန်ရထား
------------------------
အဲဒီမနက်ကြီး
မုခစာအုပ်က
မိုးကြိုးထပစ်တယ် ။
ကျနော့်အလံတော်
တိုင်တစ်ဝက်မှာ
တုန့်ခနဲရပ်ခဲ့ပေါ့ ။
ခင်ဗျား
နံရံချိတ်ထားတဲ့သေနတ်ကို
ပစ်ဖောက်လိုက်တာပဲ ။
အေဘီညို
ကြွေပြီဆိုတာကို
ယုံကြည်လို့မရ
အမှန်တရားက
ငယ်ထိပ်ကို
ပေါင်တူနဲ့ထုလိုက်ပေါ့ ။
ခင်ဗျားနာရေးသတင်းဟာ
ခင်ဗျားရှို့လိုက်တဲ့တောမီး ။
ခင်ဗျားက
ကမ်းလွန်အောင်တိုက်လိုက်တဲ့လေ ။
ခင်ဗျားရဲ့သေခြင်းဟာ
ခင်ဗျားရဲ့ကဗျာပရိယာယ် ။
မြန်မာ့ခေတ်ပေါ်ကဗျာ
ပင်လယ်လိုအော်ကျန်ခဲ့ ။
ဂေါ်ကီရဲ့အမေလို
မြန်မာပြည်ကအမေ
လုလင်အိမ်အပြန်
လိပ်ပြာလှလှ
နတ်တို့ခိုးဝှက်ခံရပြီ ။
ခင်ဗျားမိခင်
အမေဒေါ်ခင်ကွန့်နဲ့အတူ
နန်းမြို့ကလွမ်းလို့ဆူဝေ
ဆရာပိုင်စိုးဝေနဲ့အတူ
ခင်ဗျားရဲ့ချစ်လှစွာသော
မနန်းနဲ့အတူ
ချစ်ခြင်းအားဖြင့်
ပန်းတစ်ပွင့်နဲ့မြားနှစ်စင်း
မဉ္ဇူရီဘညို
အောင်ဗဟိန်း
ဝေယံမင်းညိုတို့နဲ့အတူ
ကျနော်တို့
ဓားဦးမြေစိုက်ငိုကြွေးရပါပြီ ။
မြစ်တွေ မြစ်တွေ
ပင်လယ်မရောက်မီ
ပင်လယ်လိုအော်ငိုကြွေးရပါပြီ ။
ကဗျာဆိုတာ
ကိုယ်တို့ရဲ့ဘာသာတရားပဲ..တဲ့
ခင်ဗျားရဲ့
ဘာသာတရားကို
ဆက်လက်ကိုင်းရှိုင်းဖို့
ခင်ဗျားရဲ့ပင်လယ်
ထပ်ဆင့်မြည်ဟိန်းဖို့
ကျနော်တို့
ခင်ဗျားချစ်တဲ့ဒီမြေပေါ်မှာ
ခင်ဗျားရင်ငွေ့နဲ့လင်းတဲ့
မျဉ်းဖြောင့်အလင်းကိုတိုင်တည်လိုက်ပါရဲ့ ။
အို..
ထွန်းပြောင်တဲ့နောင်တော်
ဖြောင့်မတ်တဲ့ရဲဘော် ။
ခင်ဗျားက
အဆန်ရထားတစ်စင်းဖြစ်တယ်
မီးခိုးတလူလူခုတ်မောင်းသွား
ကောင်းကင်ထဲ
ကောင်းကင်ဖြစ်တဲ့အထိခုတ်မောင်းသွား
သွားနှင့်လိုက်ပါတော့
သွားနှင့်လိုက်ပါတော့အကိုရေ ... ။ ။
မင်းညွန့်လှိုင်

Wednesday, June 10, 2015

ငါ့ ခေါင်းထဲ ကျီးတွေပြိုခဲ့ … အောင်လွန်းမြိုင်


ငါ့ ခေါင်းထဲ ကျီးတွေပြိုခဲ့
___________________
ဒီနေ့တနေ့လုံးပါပဲ
ငါဟာ
ပျာယာခတ်လို့ ခေါင်းမီးတောက်လုိ့
ငါ့  မိသားစုဝင် တယောက် ဆုံးရှူံးသလို
မှန်သားပေါ်မှာ
ဝမ်းနည်းခြင်းတွေ၊ နာကျ ည်းခြင်းတွေ
တောက်ခေါက်သံတွေ၊ငိုယိုသံတွေ
ခေါင်းတလားထဲသူ့ကိုထည့်ပုံ
သူ့အခန်း၊ သူ့အိပ်ယာ၊သူ ထိုင်နေပုံ
သူ့စားပုံ၊သွားပုံ၊နေပုံ ထိုင်ပုံတွေ မြင်ရရဲ့
ငါဟာ
မသာရှင် တယောက်လို
ထုံ ပေပေ ငိုင်တိုင်တိုင်နဲ့
ဆေးလိပ်တို မီးညှိ့ သလို
အရက်ခွက်ကို လှမ်းဆွဲသလို
ငါဟာ
မသာရှင်တယောက်လို - - -
မှန်သားပေါ် က တဆင့်
ငါ့ ခေါင်းထဲ ကျီးတွေပြိုခဲ့ ။

                  အောင်လွန်းမြိုင်

10 . 6 .2015 မှာ ကွယ်လွန်သွားတဲ့
ကဗျာဆရာ ကိုအောင်ဘညို သို့ / -

* ငါ့ ခေါင်းထဲကျီးတွေ ပြိုခဲ့ * = ကဗျာဆရာ ကိုအောင်ဘညို ရဲ့ ကဗျာစာသား ဖြစ်ပါတယ် ။



မနက်စောစောတောမီး


သမ္မတကြီး အောင်ဘညို

သမ္မတကြီးအောင်ဘညို
_________________
ဇွန် ၉ - ည ၉:၂၅
သူဖုန်းဆက်တယ်
ခက်ဦး ကဗျာပါမဂ္ဂဇင်း
ထုတ်ပြီးကြောင်း …
မနက်ဖြန်မနက်
မင်းညွန့်လှိုင် ရန်လင်းအောင်
ကဗျာပါ မိုးမခ မဂ္ဂဇင်း သွားထုတ်ပေးမယ်
ပြောတယ်
နေကောင်းရဲ့လား
ကောင်းပါတယ် ခဗျားကော ဆိုတော့
ကောင်းပါတယ် တဲ့ ။

ဒီမနက် ဇွန် ၁၀ ၁၀ : ၂၀
သူ့ဖုန်းဝင်လာတယ် သူမဟုတ်ဘူး
" အဖေကြီးဆုံး ပြီ ……… "
သူ့သားလေး ပြောတယ် ငိုတယ်
ငိုတယ် ပြောတယ်
ဘယ်လို . . . .
ဦးနှောက်သွေးကြော………
ရုတ်တရက်ကြီး
…………………
ကိုအေဘီညို … ခဗျား ……
တကယ့် သမ္မတကြီး ပဲ ………… ။

                         ရ န် လ င်းေ အာ င်

မနက်ခင်းသတင်း ။ ကိုသားကြီး


Tuesday, June 9, 2015

မိသားစု နဲ့ ထပ်တူ ဝမ်းနည်းရပါကြောင်း


ကဗျာဆရာ အောင်ဘညို ကွယ်လွန်
________________________

မန္တလေး၊ ပိုက်ကျုံသားဖြစ်တဲ့ ကဗျာဆရာအောင်ဘညို (အမည်ရင်း မောင်မောင်ဇော်) ယနေ့နံနက် ၁၀ နာရီဝန်းကျင်ခန့်က ရန်ကုန်မြို့ ယုဇနဥယျာဉ်မြို့တော် နေအိမ်တိုက်ခန်းမှာ ကွယ်လွန်သွားပြီ ဖြစ်ပါတယ်။


ကွယ်လွန်ချိန်မှာ အသက် ၅၄ နှစ်ရှိပြီ ဖြစ်ပါတယ်။

လစဉ် အပတ်စဉ်ထုတ် မဂ္ဂဇင်း၊ စာစောင်တွေမှာ ကဗျာပေါင်းများစွာကို ရေးသားခဲ့သူဖြစ်သလို တခြားကလောင်အမည်ခွဲတွေ နဲ့လည်း အနုပညာဆောင်းပါးတွေ ရေးသားခဲ့သူဖြစ်ပါတယ် ။

ကဗျာဆရာအောင်ဘညို မိသားစု နှင့် ထပ်တူ ဝမ်းနည်းရပါကြောင်း …………

                            လေးကျွန်းမြေ ကဗျာဆရာများ

Monday, June 1, 2015

ကဗျာဆရာမောင်နီမွန် ၇၂ နှစ်ပြည့် မွေးနေ့ပွဲကျင်းပ



ကဗျာဆရာ မောင်နီမွန် ၇၂ နှစ်ပြည့်မွေးန့ အမှတ်တရ


ကဗျာဆရာ မောင်နီမွန် မွေးနေ့ဟာ
ကေတုမတီမှာ
ပန်းတွေပွင့်တဲ့ နေ့ပဲ။
ညောင်ပင်ကြီးတစ်ပင်အောက်က
လဘက်ရည်ဆိုင်မှာ
မောင်နီမွန်ထိုင်တယ်
ကေတုဘုန်းမော် ထိုင်တယ်
ကျွန်တော်ထိုင်တယ်
ချိုပေါ့ ခေတ်ကြီးတစ်ခွက်ကို
မျှပြီးသောက်ခဲ့ကြတယ်။
ကြာခဲ့ပြီလား
မနေ့ တနေ့ကပဲ။
လရောင်တွေ
ဖွေးဖွေးလှုပ်နေတယ်
ပန်းတွေ
အဆုပ်လိုက် အခိုင်လိုက်ပွင့်တယ်
ဒါဟာ
ကေတုမတီမှာ
ကဗျာဆရာတွေ
လူထုကဗျာဆရာတွေ မွေးနေ့တိုင်းရဲ့
မဟာသင်္ကေတ တစ်ခုပဲ။
ကဗျာဆရာ မောင်နီမွန် မွေးနေ့ဟာ
ကေတုမတီမှာ
ပန်းတွေ
ပွင့်ပြီးတိုင်း
ပွင့်နေလိမ့်ဦးမယ်။

ငြိမ်းဝေ(ကဗျာ့အိုးဝေ)