လွန်ခဲ့သော ကဗျာ - လွင်နောင်နောင်

လွန်ခဲ့သောကဗျာ

_____________________

ထမ်းပြီးထုတ်သွားသလား
တွန်းပြီးထုတ်သွားသလား
မရေရာတော့ပါဘူး
အဲ့ဒီနေ့က
အဖေ့ကိုသယ်သွားတယ် ။

မျက်ရည်စတွေကျန်ခဲ့သလား
အားငယ်မှုတွေချန်ခဲ့သလား
မရေရာတော့ပါဘူး
အဲ့ဒီနေ့ကဆေးရုံနောက်ကရင်ခွဲရုံမှာ
ကျွန်တော်တို့မိသားစု
ရင်ကွဲနေခဲ့တယ်။

ကြမ်းတမ်းသောလမ်းမများလား
မချောမွေ့သောနေ့စွဲများလားတောင်
မရေရာတော့ပါဘူး
အဲ့ဒီနေ့ကကွေးနေတဲ့အဖေ့လက်ကလေး
မဆန့်မီ
ကျွန်တော်တို့မိသားစု
နာကျင်မှုတွေပြန့်ခဲ့တယ် ။

တွေးနေတာတွေကနာကျင်စရာတွေလား
နာကျင်စရာတွေပဲတွေးနေမိသလား
မရေရာတော့ပါဘူး
အဲ့ဒီနေ့ကိုအားငယ်မှုတွေကြုံတိုင်း
ဆို့နင့်နေမိတယ်။

မရှိတော့တဲ့အရှိတရားတွေလား
ရှိနေသေးတဲ့အသိတရားတွေလား
မရေရာတော့ပါဘူး
အဲ့ဒီနေ့ကလိုမျိုးဘယ်သူ့ကိုမှ
ညမနက်စေချင်တော့တာ
မျက်ရည်တွေရဲ့စကားပါ ။

မှတ်မိနေသေးသလား
ထပ်ငြိနေသေးသလား
မရေရာတော့ပါဘူး
အဖေမရှိတော့တဲ့အသက်ဓာတ်မှာ
အဲ့ဒီနေ့ကမိုးစက်တွေဟာ
ကျွန်တော်တို့မိသားစုရဲ့ မျက်ရည်တွေပါ ။

ပြန်တွေးနေမိတာလား
တွေးနေတာတွေပြန်သွားနေတာလား
မရေရာတော့ပါဘူး
ပိတ်ထားတဲ့တံခါးဝမှာ
အဲ့ဒီနေ့ကအဖေရှိနေခဲ့တာပါ ။

ထမ်းပြီးထုတ်သွားခဲ့လေသလား
တွန်းပြီးထုတ်သွားခဲ့လေသလား
မရေရာပေမယ့်
အဲ့ဒီနေ့ကတည်းက အဖေပြန်မလာခဲ့တော့တာ
အသေအချာပါ … … … …

လွင်နောင်နောင်

အူ သံ - ၄ - နီဇူလိုင်

ပ န်း ချီ    -  နီ ဇူ လို င်

အူ သံ - ၄

__________________________

                     

ခြေသံတဖျတ်ဖျတ်နဲ့
အနေမတတ်တဲ့ပင်လယ်
ခရုနဲ့ကမာခွံတွေ
ပြန်တွေး
ပြန်ထွေးချ  ။             ။

                 နီဇူလိုင်

သုံးဆယ့်ငါး - အိဖြူ

သုံး ဆ ယ့် ငါး

____________________

နံရံပေါ် ပြက္ခဒိန်တွေ
တိုးလာခဲ့

ထမ်းပိုးသူ ကမ္ဘာမြေ
ပို လေးလာခဲ့

ဖြစ်တည်မှုက
ဆယ်စု သုံးခုနဲ့တစ်ဝက်
ဘာတွေကမ်းလို့

ဘာတွေကို လှမ်းပြီးပြီလည်း
ဆန္ဒတွေ ထုဆစ်ဖို့
လက်ကျန်ချိန် မတွက်ဆတတ်ခဲ့

အများကြီး မဟုတ်တဲ့
တစ်ခုလောက်ပဲ
ချန်ထားခဲ့ချင်သူ

သို့သော်လည်းပေါ့
ဆန္ဒက လက်သီးလက်မောင်းတန်းချိန်
ထမ်းပိုးခံ ကိုယ်တိုင်က
ပျင်းရိအိကျ … …

ထမင်းလည်း မဆာပါဘူး
ငါးအများကြီးလည်း မဖမ်းမိဘူး
သင်္ချာမှာလည်း အမှတ်မများဘူး
အင်း ဖုန်းတော့ဆက်ရမယ်
ဘူတာဝင်ချိန် မသိပေမယ့်
ဒီရထားစီးရမယ်လို့
ကိုယ်တိုင် သိနှင့်နေခဲ့လို့လေ။    ။

အိဖြူ

တရား ဓမ္မ - ၂ - ချောဘသစ်

တ ရား ဓ မ္မ - ၂ 

___________________________________

သံသရာကိုယုံကြည်သူမို့
ဘဝမှာ ခေတ်ပျက်သူဌေးကြီးလည်းမဖြစ်ချင်ခဲ့ ။
"ထမင်းတစ်လုတ်အတွက် ထင်းခုတ်စားမယ်"ဆိုတဲ့
"ဆရာလွန်း"ရဲ့ "လျှာပေါ်မြက်ပေါက်ဝါဒီ "
ဟော့ဒီလောကထဲ
မျက်နှာငယ်ချင်ငယ်စေတော့ ။

ကျား,ကျားချင်း
ဓါး,ဓါးချင်း ယှဉ်ရဲပေမယ့်
လောဘကို မယှဉ်ရဲ
ဒေါသကို မယှဉ်ရဲ
မောဟကို မယှဉ်ရဲ
ကျွန်တော်ဟာ မရဲဝင့်သူပါ"မေမေ" ။

ခေတ်ကတောင်းဆိုလို့ စာတတ်ခဲ့တယ်
စိတ်ကတောင်းဆိုလို့ ချစ်တတ်ခဲ့တယ်
"Sympathy is the best of my religion ."
အခု!
ကိုယ်ချင်းစာတရားက တောင်းဆိုနေတယ်
စစ်မှန်သော "ငြိမ်းချမ်းရေး"ကို ...။ ။

ချောဘသစ်

( ၂၀၁၄ )

သမီးစကား - ၁ ။ ခက်ဦး

သမီးစကား - ၁

____________________

ဖေဖေ
ဒီနေ့သမီးသူငယ်ချင်း အိသူလှိုင်
စာဖြေတာမှားလာတယ်

ဘာမှားတာလဲသမီး

ကွက်လပ်မှားတာ

ဟိုဟာ
နိူင်ငံတော်သီချင်းသည်
အားမာန်တက်ကြွစေပါသည်လို့
ဖြေရမှာကို အဖြေမှားရေးလာတယ်

ဘယ်လိုရေးလို့လဲသမီး

ထိတ်လန့်စေပါသည်တဲ့      ။          ။

                                     ခက်ဦး

ပန်းများပွင့်တယ်လို့ - မောင်သော်တာ

ပန်းများပွင့်တယ်လို့

____________________________________

ရေကြည်ရာမြက်နုရာ
စိတ်ကအမြဲဆာလောင်ရှာဖွေမိတယ်
ရင်ခုန်တတ်ရင်
ဘယ်လိုကြည့်ကြည့် လှတာလေးတွေရှိနေရဲ့
ပန်းတွေပွင့်ပါစေလေ
အဲဒီပန်းလေးတွေထဲကတချို့
ရေငတ်ခြောက်သွေ့နေတာမမြင်ရက်ပါဘူး
လောကကြီးတစ်ခုလုံး
ရမ္မက်ဝတ်မှုံတွေနဲ့ဖူးသစ်နေတာနားလည်ပေးပါကွယ်
ပွင့်ချိန်လေးအနှောင်အယှက်မပေးချင်ပါနဲ့
ပန်းတွေပွင့်ချိန်စောင့်နေတယ်
မြင်နိုင်မလား
အရောင်အသွေးတစ်ခုစီမှာအနုအရင့်အဖုံဖုံ
အတွင်းသားထဲငုံထားတယ်
ပွင့်ချပ်လေးတွေအထပ်ထပ်ရဲ့အောက်မှာလတ်လတ်ဆတ်ဆတ်အသွေးလေး
နွေးနွေးရွရွ
မြေလွှာကိုဖောက်ခွဲထွက်လာတဲ့ရိုးတံလေးပေါ်မှာ
လေထုထဲကြဲချလိုက်တဲ့ရနံ့အငွေ့တွေထဲမှာ
လွတ်လပ်မှုကိုအမိအရခူးဆွတ်ချင်နေတဲ့စိတ်တွေနဲ့ပေါ့
ပန်းပွင့်တဲ့အဘိဓမ္မာဆိုတာ
ကြွေဖို့သက်သက်အတွက်မဟုတ်ခဲ့ဘူးတဲ့ပန်းကလေးရယ်
ကျနော်ကျေနပ်မိပါတယ်
ကျနော်ကိုကျနော်ခူးခဲ့တယ် ။                  ။

                                 မောင်သော်တာ

                               7th feb2016