 |
| facebook စာမျက်နှာတစ်ခုမှ ယူသည် ။ |
နှစ် ကူး တောင်းဆု
ကြည်လင်သောစိတ်နဲ့ မေတ္တာ ဓာတ်ကို အရင် မွေးမြူ ပြီးတော့
ရေ စပ်မှာ တဖြည်းဖြည်းချင်း
စေတနာကို လောင်း သွန်လိုက်တယ် ။
လွှတ်ပေးလိုက်တာ က
မလူးသာ မကူးသာ ဘဝ ရောက်
ငါး လေးတွေ ဆို
ချမ်းမြေ့ပျော်ရာ ရေကြည်သာ မှာ
မိသားစုနဲ့ အေးစေချင်တယ် ။
အ်ိမ်ပြန်မရောက် သေးတဲ့
ညီလေး တွေ ဆီ
ဒီနေ့ ပို့တဲ့မေတ္တာ ဓာတ် ကို
တောင်တန်းတွေဖြတ် ပြီး
ဆိုက်ရောက် စေချင်ရုံ ။
ငှက်ကလေး တွေ လွှတ်ပေး တော့လည်း
လှောင်ချိုင့် ကို တိုးထွက်
အပြင်ဘက်ကောင်းကင်မှာ
ငြိမ်းချမ်းစွာ ပျံသန်း
ရှေ့ခရီးလမ်း ကို ဆက်လျှောက်စေချင်တယ် ။
အိမ်အဝင်လမ်း က မှန်း မျှော်တရင်း
ဝမ်းနည်း စိုးထိတ်
အပျော် ရိပ် ပျောက် နေရှာ တဲ့
ဇနီး သည် လည်း
မျက်ရည် ဟောင်းသစ်
ကျစ်လစ် ထားသို
နွေကို အံတု တောင်းဆု ခြွေ တယ်။
လွတ်လပ် ပါစေ
လွတ်လပ်ကြပါစေ ။ ။
ကိုသားကြီး
No comments:
Post a Comment