Wednesday, November 27, 2013

က မ်း လွ န်ေ လ ထဲ မှာ .......... (၄)

ရ  န် ကု န် နံ နက် ခ င်း၊ မ င်း ညွ န် လှို င် ။

ရ န် ကု န် မ နက် ခ င်း


ခိုတွေ ကျီးကန်းတွေမျက်လုံးမပွင့်ခင်
ရေညှိတက်အရေပြားကွာ
နံရံအိုနွမ်းနွမ်းကြီးတွေပေါ်က
သံချေးတက်သံပန်းစွပ်
ပြတင်းပေါက်ဟောက်ပက်တွေမှာ
အိပ်ရေးမဝတဲ့မိန်းမကိုယ်တစ်ပိုင်းတွေ
ပေါ်လာလိုက် ကွယ်သွားလိုက်နဲ့
မနက်ခင်းကို
တလှုပ်လှုပ်နှိုးနေလေရဲ့ ။

မကြာပါဘူး
နေရောင်လုတိုက်မြင့်မြင့်ကြီးတွေ
သွားတိုက်ဆေးလိုညှစ်ထုတ်လိုက်တော့
မြို့တော်သူမြို့တော်သားတွေ
လမ်းတွေထဲကိုပန်းထွက်လာပါရော
ချောက်ကမ်းပါးထဲကပုရွက်ဆိတ်တွေ။       ။
                              
                                        မ င်း ညွ န့် လှို င်

ဟာ စ ရီ ပါး လို ငါ့  အ စ် ကို ၊ေ အာ င် လွ န်း မြို င် ။

 
ဟာစရီပါး လို ငါ့အစ်ကို

ဟာစရီပါးကလံချားဆွဲတယ်
ငါ့အစ်ကိုကဆိုက်ကားနင်းတယ်၊ ဒါပဲကွာတယ်
အသားကမည်းမည်း၊ မျက်လုံးက ပြူးပြူးလက်ပြင်ကုန်းကုန်း
ခြေသလုံး ကျူတံရိုးနဲ့ ငါ့အစ်က်ိုမှာ
အာလောကလိုဇနီးတစ်ယောက်
မာနူးနဲ့ ရှမ်ဘူးလိုသားနှစ်ယောက်လည်းရှိရဲ့ ။

အသက်လေးဆယ်ကျော်မှာနား က လည်းလေးသေး
ရှေ့သွားတွေလည်းကျိုးလို့၊ ကျန်းမာရေးက ချူချာ
သုခမြို့တော်ထဲကရပ်ကွက်နဲ့တူတဲ့
ရခိုင်စုရပ်က ပြွတ်သိပ်တဲ့ အိမ်တစ်အိမ်ဘေးအဖီဆွဲ
ဝပ်ကျင်းဖွဲ့
မနက်လင်းတာနဲ့ သူ့ဆိုက်ကားပေါ်တက် ဂိတ်ထိုး
ရာဟောင်ဘူတာလိုဘူတာကိုလည်းနင်းပို့ရ
ဘရာဘဇေးဈေးလိုဈေးကိုရောက်ရ
ဆေးစပ်ဖိုကြီးတွေ ထမ်းတင်ပြီး
လက်ကိုင်ကိုလက်နှစ်ဖက်ထောက် အားကုန်မတ်ရပ်နင်း
ဆေးလိပ်ခုံတွေကိုလည်းလိုက်ပို့ရရဲ့ ။
အမျိုးမျိုးသောအထွေထွေ ခရီးသည်ကို
လိုရာအရောက်ပို့ပေးရတဲ့ ဟာစရီပါးလို ငါ့အစ်ကို . . . . .။
ဟာစရီပါးရဲ့လံချားလိုပါပဲ၊ ငါ့အစ်ကိုရဲ့ ဆိုက်ကားဟာ
ဘဲလ်မှအပအကုန်မြည်ဆိုတဲ့ ဆိုက်ကားအိုလေး
သူ့မိသားစုပါးစပ်ပေါက်တွေအတွက် ရုန်းရ
အမြဲတမ်းအဆင်ပြေတယ်ရယ်လို့ မကြားမိဘူး ။


အုံနာခမပြည့်လို့ စားစရာဆန် မရှိလို့ ဆေးကုသဖို့
သွေးနဲ့ အရိုး ၀ယ်သူမရှိကြတော့/ ရှိရင်လည်း
ရောင်းချင်ရောင်းမှာ
ရှိတဲ့ပစ္စည်းလေးအပေါင်ဆိုင်ရောက်ရ
တစ်ခါကများထမင်းချက်တဲ့ ဒန်အိုးလေးပေါင်စားခဲ့ရသတဲ့။
တစ်နေ့သား ငါ့အစ်ကိုဇနီးအာလောကလိုကုလားမ က
ငါ့လာပြောရှာရဲ့ ဟာစရီပါးလိုအစ်ကိုဟာ
အိပ်ရာကမထနိုင်တော့တဲ့
သြော် ငါကကိုဗာစကီးလည်းမဟုတ် ဒေါက်တာမက်လည်း
မဟုတ်တော့
ပိုက်ဆံကလေးတစ်စနှစ်စပေးတာကလွဲလို့
ငါကလည်း ငါ့ဇာတ်ထုပ် နဲ့ ငါပါ အစ်ကိုရာ
သိပ်မကြာလှပါဘူး ၁-၁-၂၀၁၀ သောကြာမနက်ကြီးမှာ
ဟာစရီးပါးလို ငါ့အစ်ကိုဟာရင်ဘတ်ထဲက
အင်ဂျင်စက်ရပ်သွားပါတယ် ။ - - - - - - - -။
        
                 အောင်လွန်းမြိုင်
            ကဗျာပါအမည်များ  “သုခမြို့တော်” မြသန်းတင့်
                                      (ဘာသာပြန်) မှ

No comments:

Post a Comment