တုန့်ပြန်ချက်
....................မြိန်ရေယှက်ရေ
အဓမ္မကိုနည်းလမ်းတကျ
လုပ်ခဲ့ကြပြီးမှ
တောင်းပန်ပါရစေ တဲ့ ။
တော်စမ်း
အဆင်ခြင်မဲ့နှုတ်ခမ်းတွေ
တစ်ဘဝစာပိတ်ထားကြ ။
ပြည်သူ ပြန်အကြမ်းမဖက်ဘူး
နင်တို့ရဲ့ဆိုးအိပ်မက်က
နင်တို့ကိုတစ်သက်စာ
တစ်မျိုးဆက်စာ
ပြန်အကြမ်းဖက်တော့မှာ ။
ဘယ်ဥပဒေကမှ
နင်တို့ကိုအကျဉ်းမချဘူး
နင်တို့ပြဌာန်းတဲ့နင်တို့ဥပဒေ
နင်တို့တွေကို ကုဋေသက်ကုဋေကျွန်း
စိတ်မွန်းကိုယ်ကျပ်
ထောင်ဒဏ် သတ်မှတ်ခဲ့ပြီးသား ။
ကြေအေးဖို့
အကြမ်းဖက်ခံခဲ့ရတာမဟုတ်ဘူး
မေ့ပေးဖို့
အချုပ်စံခဲ့ကြတာမဟုတ်ဘူး ။
ဦးစောတောင်းပန်တောင်
ဗိုလ်ချုပ်က ပြန်မရတော့ဘူး ။
နင်တို့တောင်းပန်ပြရုံနဲ့
မတ် ၅ ၊ ၂၀၁၅
ပြန်လှမသွားဘူး ။
ကိုယ့်သမိုင်းညှီနံ့ကိုယ့်မှာစင်အောင်
ကိုယ့်လိပ်ပြာကိုယ်ရေပြန်ချိုးကြ
ကိုယ့်အိပ်မက်ကိုယ်ပြန်အလှပြင်ဖို့
ကိုယ့်ပြည်သူအတွက်ကိုယ့်ဘဝ
ကိုယ်နောက်တစ်ခါစတေးဖို့ မနွဲ့ကြနဲ့
တာဝန် ဆိုတဲ့ အသရေမဲ့စာသား
နောက်တစ်ခါ ပြောင်းပြန်အနက်သွားမှ
ပြည်သူ့တံခါးပြန်ခေါက်
ရှေ့တော်အရောက် ပြန်ခစား
ဒါမှ သူ့လူ ကို ကိုယ့်ဘက်သားအဖြစ်
အပြစ်ဆိုးနော်ပြေ အမျက်ငြိုးတော်ကြေလိမ့်မယ် ။
ခက်ဦး
၉ . ၃ .၂၀၁၅
No comments:
Post a Comment