Thursday, April 16, 2015

ငု ။ ကိုသားကြီး


ငု


တမ်းတ မှု အသစ်မှာ မျက်နှာစိမ်း လို မေ့ထား ကြ ပုံ
တစ်ခိုင်လုံး အဝါ တွဲခို လို့
မချစ်မနှစ်သက်သူတွေ ထဲမှာ
မရှိသေးတာ ကို ချစ်ပြနေတဲ့
အတ္တတွေ နဲ့
သွေးရိုး သားရိုး ငို ရ။
နွေ ဇာတ်လမ်းမှာ
ဇာတ်ပို့ အနေအထား က
ပံ့ပိုးသူ မရှာ ခဲ့ဘူး ။
အရောင် တူ အဆင်ကွဲမှု လေးကြောင့်
သတ်မှတ်ချက် အောက်မှာ သိမ်ငယ်သလို
ခရီးဦးကြို ပြုခဲ့ပါတယ် မိတ်ဆွေ။
လက်ရည် မတူတဲ့ ပြိုင်ဆိုင် မှု ထဲ
အမည် ဂုဏ်သတင်း မပေါ်လွင် ခဲ့ဖူး တော့
ကာလ တို တိုက်ပွဲ ကြုံ တဲ့အခါ
ခံနိုင်စွမ်းသာ အပြည့်
ကျန် နေ ပါ ရ စေ  ။               ။
                       
                                ကိုသားကြီး

No comments:

Post a Comment