မိုး
(ခက်ဦး)အုံ့ချင်အုံ့
ဆို့ချင်ဆို့
ညို့ချင်ညို့
မည်းချင်မည်း
ခံလိုက်ရပြီဆို
တို့ဘက်ကချည့်ပဲ ။
ခက်ဦး
____________________
လယ်စောင့်တဲ
မင်းညွန့်လှိုင်ထစ်ချုန်းဖောက်ခွဲရန်
စီးမိုးထိုးဆင်းလာတဲ့
မျက်နှာမည်းမည်းကြီးအောက်မှာ ။
ဝါးမျိုဖျောက်ဖျက်ရန်
ဝိုင်းရံပိတ်ဆို့ထားတဲ့
အစွယ်ဖွေးဖွေးပါးစပ်ပေါက်များအလယ်မှာ ။
ဒီလယ် ဒီမြေ စောင့်ကြပ်နေဆဲ
ခြေတံမြင့်မြင့် စွင့်စွင့်မြှင့်လို့
ကြာဖြူကြာနီ စီစီပွင့်လို့ ။ ။
[ ဆရာမင်းသုဝဏ်ကိုမှီးတယ် ။ ]
မင်းညွန့်လှိုင်
______________________
ထမင်းအိုးလေးတည်ပါရစေဦး
ရန်လင်းအောင်ကိုယ့်ထမင်းကိုယ်ရှာစားရမှာဆိုတာလောက်တော့
ကလေးသိ ခွေးသိပါကွာ ၊
ဒီနေ့
ကိုယ်ရှာထားတဲ့ထမင်းလုတ်
ဘယ်သူလာပုတ်ချမလဲ ၊
ဒီနေ့ ကိုယ်တည်မယ့်ထမင်းအိုး
ဘယ်သူလာရိုက်ခွဲမလဲ ၊
လူအချင်းချင်းလှည့်ပတ်ခြင်း
ကင်းရှင်းကြပါစေ ၊
တအုံ့နွေးနွေးရွတ်ဆိုရင်း
ထမင်းအိုးလေးတည်ပါရစေဦး ။။
ရန်လင်းအောင်
No comments:
Post a Comment