ကျွန်တော် မုန့်ပျားသလက်
______________________
မေမေကမုန့်ပျားသလက်ဆိုင်လေးဆိုရင်
ကျွန်တော်ကမုန့်ပျားသလက်လေးပေါ့
ဟောဒီ မြန်မာ့မြေပေါ်က ကြီးကျယ်ခမ်းနားနေတဲ့
နိုင်ငံခြားမုန့်ဆိုင်ကြီးတွေကြားမှာ
ရိုးသားစွာဂုဏ်ငယ်ကြတာပေါ့မေမေ ။
ဆန်မှုန့်လိုဖြူစင်တဲ့ဘဝထဲ
ထန်းလျက်လိုချိုမြိန်တဲ့
မေမေ့မေတ္တာတွေထည့်လုပ်ထားတဲ့
ကျွန်တော်ဟာ ပဲဆီစစ်စစ်ဆမ်းထားတဲ့မျက်နှာနဲ့ -
အဆိပ်တွေနဲ့ ဟန်ဆောင်ပြုံးတတ်သူမဟုတ်ကြောင်း
မြင့်မြတ်စွာဂုဏ်မောက်နေပါရစေမေမေ ။
No comments:
Post a Comment