မွေးနေ့
အောင်လွန်းမြိုင်
ငါ့ကိုယ်ငါ
အန်ထုတ်လိုက်ပြီ
ငါဟာ နွေဥတုမှာ
မွေးဖွားခဲ့သူမို့
ဒီထက်ပူလည်း
ဒီထက် ပိုမပူတော့ပါဘူး ။
မျက်ရည်တွေကို
ဘာသာပြန်
စကားလုံးတွေတွဲသီပြီး
ညီမလေးဖတ်ဖို့
စာမျက်နှာပေါ်
တင်ခဲ့ပြီးပြီ ။
မြစ်တွေလို
ကောက်ကွေ့နေတဲ့နေ့တွေအလယ်
ကမ်းပါးပြိုသလို
နှလုံးသားလည်း
အခါခါပြိုကျခဲ့ပြီ ။
အိပ်ယာနဲ့ဝေးတဲ့ညတွေရှိသလို
ညီမလေးရဲ့
ပါးပြင်နဲ့ ဝေးရတာမဆန်းတော့ပါဘူး ။
ဒီညလည်း
အရင်ညတွေလို
မီးမှိတ်အိပ်ခဲ့ပါတယ် ။
ပန်းပဲလည်းဖိုခဲ့ပြီးပြီ
၊
ဝါးပင်လေးနဲ့ပျိုးထားတဲ့အိမ်လေးထဲမှာ
အတိတ်တွေလည်း
နေ့ပြန်တိုးလို တိုးခဲ့ပေါ့
ငါ့ကိုငါ
အန်ထုတ်ခဲ့ပြီ
။ . . . . . . . . . . . . . . . . ။
အောင်လွန်းမြိုင်
ပန်းအလင်္ကာ၊
မဂ္ဂဇင်း၊ နိူဝင်ဘာလ၊ ၂၀၁၀ - ခုနှစ်
No comments:
Post a Comment