Tuesday, November 26, 2013

ရတုမြေ ကဗျာ ပြပွဲ ( ၆ )

အိမ်

ငါအိမ်ပြန်ချင်ခဲ့တယ်
အခုတော့ ငါကလမ်းပေါ်မှာ
မပြီးဆုံးသေးတဲ့ ပြဇာတ်တစ်ပုဒ်ကို
စိတ်မပါစွာ ကြည့်နေရသလိုပေါ့  ။

တစ်နေ့ ငါ့ အိမ်ကိုတွေ့မယ်၊ အနွေးဓာတ်ကို ငါတွေ့မယ်
အအေးဓာတ်ကလေးကို ငါတွေ့မယ်
ငါ့ ဘ၀နဲ့စာရင် ဘာနဲ့မှ လဲမရတဲ့ အရာကို ငါတွေ့မယ်
ငါအိမ်ကို ပြန်ချင်တယ် ။

ငါ့ ပူလောင်မှုတွေ ဆေးကြောပေးမယ့် ငါ့ အိမ်ကို ငါပြန်ချင်တယ်
ငါ့ အိမ်မှာသော့ခတ်ထားချင်တယ်
ငါ့ အိမ်မှာ ငါလိုပဲ '' ငါ '' တစ်ယောက်အဖြစ်
'' သူ့ " ကိုတွေ့ချင်တယ်
ငါ့ အိမ်မှာမိသားစု ရဲ့ သောကဒုက္ခနဲ့
ပျော်ရွှင်မှုရနံ့ကို ငါရချင်တယ်
ပြီးတော့ အဲ့ဒီ ရနံ့တွေ နဲ့ အသက်၀၀ရှူချင်တယ်
ငါ့ အိမ်မှာ မင်းရယ် ငါ ရယ် ရောနှောထားတဲ့ အိမ်ဖြစ်ချင်တယ်
တကယ်ဆိုရင် အရာဝတ္ထု အားလုံးထက် ခိုင်တဲ့ကြိုးနဲ့
မင်းငါ့ ကို တုပ်နှောင်ထားသင့်တာပေါ့  ။
မုဆိုးအဖြစ်နဲ့ သားကောင် ငါ့ ကိုပစ်ခတ်သင့်တာပေါ့  ။

ငါအိမ်ပြန်ချင်တယ်
ငါအိမ်ပြန်ချင်တယ်
ငါ့ ကို သိတဲ့ အိမ်ကို ပြန်ချင်တယ်
ဝေါဟာရအားလုံး မပျောက်ကွယ်သေးတဲ့ ငါ့ အိမ်ကို
ငါပြန်ချင်တယ် ။






                                               ငွေယံဦး







ဆယ်ပေပတ်လည် အနုပညာ ညများ

မနေ့ကသောကြာနေ့လေ
သီချင်းတစ်ပုဒ်ထဲက အတိုင်းပဲလား
ကိုးနာရီတိတိမှာ
အားလုံးထွက်ခွာလာခဲ့ကြ
ငါ့ ကိုယ်ငါ ကြော်ငြာရတာလည်း
စိတ်ပျက်တယ် ။

မဖြစ်မနေပြောကြစတမ်းဆို
ညစစ်စစ်က တပ်မက်စရာကောင်းတယ် ၊
အစီအစဉ်မပါဘဲ အမှောင်ပြန်လာတယ် ၊
အိပ်မပျော်သူမှာ မှော်ရှိတယ်၊
နှင်းကြွေသံမစဲခင်
ငါအိပ်ရာဝင်မှ ဖြစ်တော့မယ် ။
ဇောသစ်
    ရတုမြေ မဂ္ဂဇင်း
                       အတွဲ (၁) အမှတ်၊ ဒီဇင်ဘာလ၊ ၂၀၁၃ ။




No comments:

Post a Comment