ဗို လ် ချု ပ် ရှိ တ ယ်
_________________
အမြတ်တနိုးသိမ်းဆည်းထားတဲ့
ငွေစက္ကူအဟောင်းလေးတွေမှာ
ဗိုလ်ချုပ်ရှိတယ် ။
နံနက်ခင်းကဖေးဆိုင်ရဲ့
ပဲပြုတ်နဲ့နံပြားပန်းကန်ပေါ်မှာ
ဗိုလ်ချုပ်ရှိတယ် ။
ငယ်ငယ်တုန်းက
ရင်ခုန်နွေးမြ
ကျောင်းနံရံကပ်စာစောင်မှာ
ဗိုလ်ချုပ်ရှိတယ် ။
လွမ်းမိုးစွေစွေည
ရေဒီယိုဟောင်းလေးထဲမှာ
ဗိုလ်ချုပ်ရှိတယ် ။
ဆွေးဆွေးမြေ့မြေ့
အဝေးကဥသြဆွဲသံမှာ
ဗိုလ်ချုပ်ရှိတယ် ။
မြေပြန့်တောင်ပေါ်
တိုင်းရင်းဖြစ်စကားသံဝဲဝဲမှာ
ဗိုလ်ချုပ်ရှိတယ် ။
မြို့ပြကျေးလက်
သံလွင် ချင်းတွင်း စစ်တောင်း ဧရာ
တစ်ပြည်လုံးမှာဗိုလ်ချုပ်ရှိတယ် ။
ပန်းခြံထဲမှာဗိုလ်ချုပ်ရှိတယ်
အိမ်ဦးခန်းမှာဗိုလ်ချုပ်ရှိတယ်
"ရုပ်ပုံလွှာ"မှာဗိုလ်ချုပ်ရှိတယ် ။
စာလုံး ဆေးစက် စောင်းကြိုးမှာ
စိမ်းမြဖန်သား ကတ္တီပါကားလိပ်မှာ
ဗိုလ်ချုပ်ရှိတယ် ။
တော်လှန်မှုရဲ့အသံတော်မှာ
သပိတ်စစ်ကြောင်းတပ်ဦးမှာ
ဗိုလ်ချုပ်ရှိတယ် ။
ပြည်သူလူထုရင်ထဲမှာ
အထွတ်အမြတ်ပုံရိပ်အဖြစ်
ဗိုလ်ချုပ်ရှိတယ် ။
ယုတ်စွအဆုံး
ငရဲခွေးများရဲ့ဂုတ်ပိုးပေါ်
ခြောက်လှန့်နေဆဲမီးတောက်အရှင်
ဗိုလ်ချုပ်မသေ
သေသေချာချာရှိနေတယ် ။ ။
မင်းညွန့်လှိုင်
မင်းညွန့်လှိုင်
No comments:
Post a Comment