ကဗျာဆရာ မောင်နီမွန် သို့ မွေးနေ့ ဆုမွန်

ကဗျာဆရာ မောင်နီမွန် နှင့်
ဇနီး

ကဗျာဆရာကြီးတွေက တောင်ငူလို့ပြောလိုက်ရင် မောင်နီမွန် ကြီးကော ကျန်းမာရဲ့လား လို့
တန်းမေးကြတာပါ ။
မြို့အမည်နာမရွတ်ပြရုံနဲ့ ယှဉ်တွဲသိရလောက်အောင် ကဗျာသမားတွေရဲ့အာရုံ စာရေးဆရာကြီးများရဲ့အာရုံထဲ ဝင်းခနဲ ဖြတ်ခနဲ တောက်စားသွားရလောက်အောင် အရှိန်အဝါက သူ့အပေါ်မှာ အလင်းဖြန့်နိုင်တာပါ ။
ဒီနေ့ သူ့ရဲ့မွေးနေ့ဖြစ်ပါတယ် ၊ ဘဝတလျှောက်လုံး ကိုယ့်ကိုယ်ကို အနီးကြည့်အဝေးကြည့် တကြည့်ကြည့်နဲ့ ခေတ်ပြိုင်ကဗျာဆရာကြီးစစ်စစ်တစ်ယောက်ဖြစ်အောင် သေသေချာချာ ထုဆစ် ထူထောင်ခဲ့တဲ့ သမိုင်းခေတ်တွေကို ကဗျာ့တာဝန်ကျေအောင်ဖြတ်သန်းခဲ့တဲ့ ကျွန်တော်တို့ကဗျာဆရာကြီး အသက်ရှည်ကျန်းမာ အာရုံပေါ့ပါး ဟဒယရွှင်လန်းစွာဖြင့် သူချစ်သောကဗျာများဖြင့် သက်ထက်ဆုံး ငြိမ်းအေးစွာ ဘဝခရီးကို ချစ်သော သားသမီး မြေးများဖြင့် ဆက်လက်လျှောက်လှမ်းနိုင်ပါစေကြောင်း ဆုတောင်းပေးပါတယ် ။

                               ခက်ဦး

အစိမ်းရောင်ငတ်တဲ့ ရှုခင်း ။ မောင်နီမွန်

ကဗျာဆရာ မောင်နီမွန်
၇၂ နှစ်ပြည့် မွေးနေ့ အမှတ်တရ အဖြစ် တင်ဆက်လိုက်ပါတယ် ။

ကဗျာဆရာ မောင်နီမွန် မွေးနေ့ ၇၂ နှစ်မှ နောင် နှစ်ပေါင်းများစွာ အထိ ကဗျာ့အကျိုး စာပေအကျိုး
နိုင်ငံအကျိုး သယ်ပိုးဆောင်ရွက်နိုင်ပါစေ လို့
လေးကျွန်းမြေ ကဗျာဆရာ များ က
မေတ္တာဆုမွန်ပို့သလိုက်ပါတယ် ။

လေးကျွန်းမြေ ကဗျာဆရာများ

ကဗျာဆရာ မောင်နီမွန် ၇၂ နှစ်ပြည့် မွေးနေ့ အမှတ်တရ

ကဗျာဆရာ  မောင်နီမွန်

ကဗျာဆရာ မောင်နီမွန်
၇၂ နှစ်ပြည့် မွေးနေ့ အမှတ်တရ

"လွန်ခဲ့တဲ့ ၂၂ နှစ်က မင်းကြီးညို ရပ်ကွက်လေးတနေရာမှာ ( ၅၀)ပြည့်မွေးနေ့ပွဲလေး
တခုမွေးနေ့ရှင်ကလုပ်ပေးပါတယ်။ကျ နော်တို့
ကဗျာရေးသူတွေ စု ပြီးဝိုင်းကြ ဖွဲ့ကြပေါ့၊အဲဒီနေ့မှာ
မွေးနေ့ရှင် ကဗျာဆရာ ကွမ်းစစားတာမှတ်မိနေတယ်။အရက်လည်း တခွက်သောက်သေးတယ်လို့မှတ်မိနေ၊၁၉၉၃။
ဒီနေ့ အသက် ( ၇၂ )နှစ် ပြည့်မှသည် နောင်လာမည့် နှစ်တွေများများ၊ အသက်ကိုပွားလို့
ကျ န်းမာ ပကတိ၊ချ မ်းသာစွာ ရှိနေ နိူင်ပါစေကြောင်း"
( ဆရာ မောင်နီမွန် မွေးနေ့အမှတ်တရ)

                                     အောင်လွန်းမြိုင်

နောက်တန်း : ပန်းချီ ကိုချမ်းအေး ။ ဒဿနေမင်း ။ မောင်နီမွန် ။ ရန်လင်းအောင် ။ ကိုသားကြီး
ရှေ့တန်း  ; အောင်လွန်းမြိုင် ။ ကိုလွင် နန်းမြေ ။ ကိုရုန်း ။

ကဗျာဆရာ မောင်နီမွန် ၇၂ နှစ်ပြည့် မွေးနေ့ အမှတ်တရ

ကဗျာဆရာ   မောင်နီမွန်

ကဗျာမောင်နီမွန်
၇၂ - နှစ်ပြည့် မွေးနေ့ အမှတ်တရ
_______________________
ထူးထူးခြားခြားပေါ့လေ
ရာဇဝင်မှာရောဂန္ထဝင်မှာပါ
ခေတ်ပြိုင်အတွဲတွေကိုသတိပြုမိတယ် ။
ကောက်ကာငင်ကာပြောရရင်
မတ်နဲ့အိန်ဂျယ်
မော်နဲ့ချူ
ဇော်နဲ့ဝဏ်
မေနဲ့မြိုင်
အစရှိသဖြင့်ပေါ့လေ ။

တောင်ငူမြို့ရဲ့ကဗျာတစ်ခေတ်မှာတော့
ကေတုဘုန်းမော်နဲ့မောင်နီမွန်ဆိုတာ
စွယ်တော်ရွက်လို ဒိုင်းနဲ့ဓားလို
တွဲဖက်ညီတဲ့အိုးစားဖက်တွေပေါ့ ။
ခုတော့ဖြင့်ဦးဘုန်းမော်အလွန်မှာ
ဦးနီမွန်တစ်ယောက်သာပဲ့ 
တောင်ငူမြို့ရဲ့အိမ်ဦးခန်းမှာ
တင့်တယ်စွာကျန်ရှိနေပါပြီ ။

ပုဂ္ဂလိကဘဝမှာဦးနီမွန်ဟာ
ကျနော့်အကိုကြီးမောင်နေနွယ်(ကေတု)ရဲ့
ငယ်သူငယ်ချင်း။
ကျနော့်ရဲ့ဦးကြီး ကျနော့်ရဲ့အုပ်ထိန်းသူ ဆိုလည်း
မမှားပါဘူး ။

စာပေအနုပညာဘဝမှာဆိုရင်လည်း
နေသူအောင်ထက်(အုတ်တွင်း)လို
ကေတုဘုန်းမော်လို
ဦးငြိမ်းဝေ(ကဗျာ့အိုးဝေ)လို
ကျနော့်ရဲ့ခေါင်းကိုင်ဖခင်တဦးပါပဲ ။

မနက်ဖြန်(ဇွန်လ ၁ရက်နေ့)ဟာ
ဦးနီမွန်ရဲ့မွေးနေ့ဖြစ်ပါတယ် ။
ဘယ်နှစ်နှစ်မြောက်လဲဆိုတာတော့
တမင်မေ့ထားလို့မမှတ်မိပါဘူး ။

ကဗျာဆရာဘဝကိုသစ္စာရှိရှိရမ္မက်ကြီးကြီး
ထုဆစ်သူကြီး
ချစ်မေတ္တာနဲ့ဥာဏ်ပညာကိုမျိုးဆက်အသစ်အသစ်များဆီ
လက်ဆင့်ကမ်းရင်း
ဇနီးမယားသမီးများနဲ့ မြေးများမြစ်များနဲ့
ကျန်းမာပျော်ရွှင်ပါစေကြောင်း
မေတ္တာဆန္ဒ ပို့လွှတ်အပ်ပါတယ် ။ ။

မင်းညွန့်လှိုင်
၃၁ မေ ၂၀၁၅

စာကြွင်း

ရန်လင်းအောင်နဲ့ကျနော် ပူးတွဲကဗျာစာအုပ်[ အများဆိုင်နာမ်]မှာ
ထိမိရှင်းလင်းတဲ့အမှာစာချီးမြှင့်ပေးခဲ့တာလည်း
မမေ့နိုင်တဲ့ကျေးဇူးပြုမှုပါပဲ ။

                           မင်းညွန့်လှိုင်

ကဗျာဆရာ မောင်နီမွန် ။ မင်းညွန့်လှိုင် ။ ဒဿနေမင်း

ကဗျာဆရာဇောသစ် ၅ - ပြည့် အလွမ်း

ကဗျာဆရာ ဇောသစ်

၅ - နှစ် ပြည့် အလွမ်း . . . . .

ဘဒ္ဒန္တစန္ဒောဘာသ
ကဗျာဆရာ ဇောသစ်ကို အောက်မေ့ခြင်းအထိမ်းအမှတ်အဖြစ်
မန်းချောင်းလရောင်စာအုပ်တိုက်မှ
စီစဉ်တင်ဆက်ခဲ့တဲ့
Poetry Life ကဗျာဆိုင်ရာ စာအုပ်မှာ ဖေါ်ပြခဲ့တဲ့ သူ့ရဲ့ ကဗျာတစ်ပုဒ်ကို
အလွမ်းပြေ တင်ဆက်လိုက်ရပါကြောင်း … …

သတိရမိတဲ့ တရား

• • • • • • • • • • • •
မုဆိုးက
သားကောင်ကို ချောင်းမြောင်းသလို
သူက
သူ့ဘဝသူ ပြန်ချောင်းလေရဲ့  ။

အချစ်နားနီးပြီး အချစ်မရသူလို
တရားနားနီးပြီး တရားမရသူ
တောထဲက သားကောင်ရသလို
ဘဝထဲက တရားရချင်တယ် ။

တစ်လံမှာ ၃၂ ကောဋ္ဌာသ
သူလည်း သူ့ခံစားမှုနဲ့သူ
ကိုယ်လည်း ကိုယ့်ခံစားမှုနဲ့ ကိုယ်
စိတ်က စိတ်ကိုသင်ကြားခဲ့ရ
ဓမ္မနှင်းတွေ
ဘဝနွေရဲ့  မနက်ခင်းထဲ
တဖွဲဖွဲကျကာနေတော့တယ် ။

                                  ဇောသစ်
                       Poetry Life
                     ပ- ကြိမ် - ၂၀၁၁ . ဒီဇင်ဘာ

အကောင့်သေတစ်ခု ။ မင်းညွန့်လှိုင်

အေ ကာ င့်ေ သ တ စ် ခု

____________________

အဲဒီညနေက
နောက်ဆုံးနေရောင်ထဲ
သစ်လွင်တောက်ပတဲ့မော်တော်ကား
သစ်လွင်တောက်ပတဲ့ဝတ်စုံနဲ့
သစ်လွင်တောက်ပတဲ့အပြုံးကို
သူ့ရဲ့
လူမှုကွန်ယက်စာမျက်နှာမှာ
တွေ့လိုက်ရသေးတယ် ။

ခရီးတစ်ထောက်
ညစာမစားမီ
အဆင့်မြင့်မြင့်ယမကာများ
အရသာရှိရှိမြည်းစမ်းဖွယ်ရာများ
ကမ္ဘာကြီးသို့
သူ့ရဲ့နောက်ဆုံးဆက်သွယ်ချက် ။

အမြန်လမ်းမကြီးပေါ်
သူ
ဘယ်လောက်ဝေးဝေးပြေးခဲ့သလဲ
ခန့်မှန်းတွက်ချက်သူရဲ့အလိုအတိုင်းသာ ။ ။

                                        မင်းညွန့်လှိုင်

ပသိချောင်းသွားတောလား ။ ခက်ဦး

ပသိချောင်းသွား တောလား

..........................................

ရိုးရာမို့
အမြင့်ရောက်လေ
ပဟေဠိဆန်လေလေ
အယိုင်အရွဲ့တွေကြား ။

ကိုင်းချင်းဆက် ရွက်ချင်းယှက်
ဥတုနဲ့သဘာဝထဲ
တိမ်ဆီခွဲတက် အသက်ဆက်ကြ
ခုခံအားအပြည့်နဲ့ ဖြောင့်မတ်မှုကိုပြ
သစ် မြင့် ပင် များ ။

                  ခက်ဦး
          ၁၆ . ၄ . ၂၀၁၅

ပြောဇာတ် -၂ ရန်လင်းအောင်

ပြောဇာတ် - ၂

• • • • • • • • •
ညောင်သီးတွေပိုင်လိုဇောနဲ့
်" ဒါ ငါ့ဟာ ဒါ ငါ့ဟာ "
သူ့အော်သံ သူ့အမည်ပေါက်နဲ့ မယှကငှက်ပါ ။

သူ့ထက်ငါအပြိုင်းအရိုင်း
တခြားငှက်တွေဝင်စားနေလည်း
" ဒါ ငါ့ ဟာ … ဒါ ငါ့ ဟာ "
အသံမစဲတသဲသဲ သူအော်ကောင်းတုန်းပဲ ။

ညောင်သီးတွေ ကုန်သာသွားရော
" ဒါ ငါ့ ဟာ … ဒါ ငါ့ ဟာ "
တစာစာအော်ရင်း ကျန်ခဲ့ရှာ
ညောင်ပင်အခွံပေါ်မှာ ။

           ရန်လင်းအောင်
              ၂ . ၅ . ၂၀၁၅
၅၅၀ နိပါတ်တော် မယှကဇာတ်ကိုမှီးသည် ။

ပန်းနု ( သို့ ) တောသဇင် _ကိုလွင် ( နန်းမြေ )

ပန်းနု( သို့. ) တောသဇင်

• •_________________••

ဟိုး..............ဝေးဝေးက
ကျောက်စည်ယို တောင်ခပန်းမှာ
လေသားနုရွရွကလေး
ဖြဖြလေးမော့တက်ဆော့ကစား
မြူ..........ဆိုတဲ့ ဧမြတဲ့ချစ်ခြင်း
ငြိမ်းချမ်းခြင်းတွေကြောင့်
အသံချိုနဲ့တေးဆိုရင်း
တလွာချင်း တချပ်ချင်း
တဖျတ်ဖျတ်ပွင့်စေခဲ့တယ်၊
တောသဇင်..........တဲ့
ရနံ့မြမြနဲ့. သူ့ကိုယ်သူဆင်သ
ဖွေးဖွေးဖြူအောင် မလှပပေမဲ့
ကျောက်ထပ်အဆင့်ဆင့်တွေရဲ့
အမြင့်မားဆုံးဝေဟင်မှာ
ကျော့ရှင်းသန်စွမ်း
အလှပန်းခက်တွေ.............ဝေ
အပြုံးပွင့်တွေ....................ဝေ
ချစ်ခြင်းတရားတွေ.............ဝေ
ငြိမ်းချမ်းခြင်းတွေ...............ဝေ
ဝေ...........ဝေ............ဝေ.....။

                       ကိုလွင် (နန်းမြေ )

အောင်လွန်းမြိုင်

နွေဥတု သို့ တေး ။ မင်းညွန့်လှိုင်

ေ နွ ဥ တု သို့ေ တး

• • • • • • • • • •

[ ၁ ]
ဝေးမယ့်ရက်တွေမှန်းဆဖို့
သစ်ရွက်ကြွေတွေလိုက်ဖမ်းကြမယ် ။

ဆွေးတဲ့ရက်တွေမှတ်သားဖို့
သစ်ရွက်ကြွေတွေသိမ်းထားကြမယ် ။

"ကျောင်းတံခါးပိတ်အိမ်မပြန်ချင်ဘူး"
သီချင်းဟောင်းလေးတစ်ပုဒ်ဟာ
နွေအိပ်မက်များထဲအထိ
စာမေးပွဲလာလာစစ်နေတုန်းပေါ့ ။

[ ၂ ]
အဲ့ဒီမြို့မှာနွေမရှိဘူးလို့
အတိအလင်းကြွေးကြော်ထားတဲ့
တောင်ပေါ်မြို့ကလေး 'မေ' ။

စိမ်းသောသစ်တစ်ပင်နဲ့
အစိမ်းခွဲခွဲလိုက်ရတဲ့
စိမ်းရွက်တစ်ရွက်ရဲ့သက်ပြင်းချသံမှာ
နွေကို
မြင်ဖြစ်အောင်မြင်ခဲ့လိုက်တယ် ။

ကိုယ်ဟာ
အဆိုးမြင်ဝါဒီတစ်ယောက်လား ။

[ ၃ ]
သက်တမ်းကုန်သစ်ရွက်များကို
တိတိကျကျနေရာချထားသူ
လှပသောနွေရက်တွေ ။

ချွေးစို့နေသည့်တိုင်
သနပ်ခါးဖွေးဖွေးပါးပြင်ရဲ့
ချစ်မက်ဖွယ်ကောင်းပုံမျိုး ။

[ ၄ ]
ရှောင်မရတဲ့အတူတူ
ဒီအပူကို
မြိန်ရေယှက်ရေစုပ်ယူ ။

ဖူးပွင့်လိုက်စို့
အေးအေးလူလူ ။        ။

                                     မင်းညွန့်လှိုင်

စန္ဒြကန္တ -ခက်ဦး

စန္ဒြကန္တ

• • • • •

လရောင်ဆောင့်ရုံနဲ့
ငိုရော့သလား ကျောက်ဆောင်
ကမ်းလုံးပြိုလု
ဒီရေတွေလည်း
ရွဲလို့ ။

ခက်ဦး
၅ . ၂ .၂၀၁၅

ပြောဇာတ် - ၁

ပြောဇာတ်       ( ၁ )

• • • • • • • • • •
တိဗက်ပုံပြင်ထဲက ခိုသတ္တဝါ
တစ်ညခင်းလုံး သူ့အိပ်ရာ
ဇီဇာကြောင်ပြီး ပြင်ဆင်နေလိုက်တာ
မိုးသာလင်းရော သူ့ခမျာ
အိပ်စက်ချိန်တောင်မရလိုက်ပါ ။ ။

                            ရန်လင်းအောင်

အလိုမတူတဲ့ ဆက်တင် ။ မင်းညွန့်လှိုင်

အလိုမတူတဲ့ ဆက်တင်

ဒီထူးဆန်းတဲ့တင်းကုပ် သူ့အလိုလိုရွေ့နေ
ဒီစက်ဆုပ်ဖွယ်သက်တောင့်သက်သာဖြစ်မှု
မသက်မသာကြီးကိုဖြစ်လို့
ပြူထွက်နေတဲ့ဦးခေါင်းရှည်နဲ့
လေအစိမ်းကိုပွတ်သပ်ကြည့်ရင်း
ပြူးကျယ်နေတဲ့မျက်လုံးများနဲ့
ခရီးစိမ်းကိုငေးကြောင်ကြည့်ရင်း
ငြိမ်နေတဲ့အသက်ဓာတ်နဲ့နွားတွေလေ
အမှောင်ထုရဲ့ဆွဲစုပ်ယူရာ
မိုးတိုးမတ်တပ်ကြီးတိုးဝင်နေတော့တယ် ။      ။

                                                    မင်းညွန့်လှိုင်

အခွံကောင်များ ။ ခက်ဦး

အခွံကောင်များ

_____________

အဆင်တန်ဆာတွေ
အခါခါပြောင်းသွားတယ်
ခေါင်းအတပ်မခံရဘူး
ဟန်ချက်က အသေ ။        

သူ့ကြည့်ပြီး
ပြုံးရမလား …
ဝမ်းနည်းရမလားနဲ့
စတိုးဆိုင်ရှေ့ဖြစ်ပုံများပြောပါတယ်  ။   ။

                                                     ခက်ဦး
                                            ၂၉  . ၁ .၂၀၁၅